Archive

2026 азы хуымгæнæны мæйы 19-æм бон Уæрæсейы фыццаг хатт нысан цæуы 1941-1945 азты Стыр Фыдыбæстæйон хæсты рæстæджы нацистты къухтæй арæзт Советон адæмы геноциды амæттæгты Мысæн бон. 

1943 азы хуымгæнæны мæйы 19-æм бон рацыд Советон Цæдисы Уæлдæр Советы Президиумы Барамынд № 39 «О мерах наказания для немецко-фашистских злодеев, виновных в убийствах и истязаниях советского гражданского населения и пленных красноармейцев, для шпионов, изменников Родины из числа советских граждан и для их пособников».

Хуымгæнæны мæйы 17-æм бон Республикæ Хуссар Ирыстоны Фæсарæйнаг хъуыддæгты министрады ацыд УФ-йы ФХъМ-йы Æхсæнадæмон ахастыты Мæскуыйы паддзахадон институты (Университеты) фидæны студенттæ æмæ уæлдæр ахуыргæнæндоны рауагъдонтимæ фембæлд.

Рауагъдонтæ дзуапп раттой абитуриентты фарстатыл, кæцытæ баст уыдысты ахуыры цыд, факультет æмæ ахуыры здæхт, университеты æхсæнадон цардимæ, афтæмæй ма радзырдтой сæ ахуыримæ баст мысинæгтæ дæр.

2026 азы хуымгæнæны мæйы 17-æм бон

Хуымгæнæны мæйы 17-æм бон Мæскуыйы ацыд Венесуэлæйы хæдбардзинад расидыны фæдыл акт бафыссынæй 216 азы рацыды цытæн мадзал.

Церемонийы хайад райстой Мæскуыйы аккредитацигонд дипломатон корпус, Уæрæсейы ФХъМ-йы минæвæрттæ, æхсæнад æмæ Боливариайнаг Республикæйы хæлæрттæ.

Мадзал бабæрæг кодтой РХИ-йы Фæсарæйнаг хъуыддæгты министр Джиоты Æхсар, Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæ æмæ Республикæ Никарагуайы Козаты Нарим, афтæмæй ма Хуссар Ирыстоны дипминæварады Уынаффæгæнæг Денис Долгушев.

Хуымгæнæны мæйы 8-æм бон Республикæ Хуссар Ирыстон нысан кæны Конституцийы бон, кæцыйыл æххæст кæны 25 азы. 2001 азы æппæтадæмон референдумы рæстæджы ист ног Конституци ссис нæ Республикæйæн, йæ барадон системæйы размæдзыдæн ахсджиаг цау. Конституци бындуриуæг кæны Хуссар Ирыстоны паддзахаддзинады сæйраг принциптæ æмæ нысæнттыл.

Хуымгæнæны мæйы 6-7-æм бонты Уæрæсейы Федерацийы Фæсарæйнаг хъуыддæгты министрады ацыдысты æхсæнуагдонон консультацитæ. Хуссар Ирыстоны ФХъМ-йы Сæрдар Джиоты Æхсар фембæлд Уæрæсейы ФХъМ-йы латиноамерикаг департаменты, Хæдбар Паддзахадты Æмхæларады бæстæты дыккæгæм департаменты æмæ Хæдбар Паддзахадты Æмхæларады бæстæты цыппæрæм департаменты къухдариуæгадимæ.

Ныхасы рæстæджы æрдзырдæуыд дывæрсон ахастыты фарстатыл, афтæмæй ма дыууæ фарсæн дæр цымыдисаг цы регионтæ сты, уыдоны уавæрыл.

Хуымгæнæны мæйы 6-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ О.Е. Кутафины номыл Мæскуыйы паддзахадон юридикон университеты Ректор Виктор Блажеевы фембæлд.

Ныхасы рæстæджы æрдзырдæуыд уæрæсейаг раззагондæр юридикон ахуырадон уагдоны æмархайды фæдыл Хуссар Ирыстонимæ. 

Фембæлды рæстæджы Республикæ Хуссар Ирыстоны Президенты Барамындмæ гæсгæ Ректор Виктор Блажеевæн лæвæрд æрцыд паддзахадон хорзæх – «Республикæ Хуссар Ирыстоны сгуыхт юрист»-ы кадджын ном. 

2026 азы хуымгæнæны мæйы 6-æм бон

Хуымгæнæны мæйы 2-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар йæ интервьюйы ÆИА «Sputnik Хуссар Ирыстон»-æн радзырдта Италийы уæвæг Хуссар Ирыстоны Фæсарæйнаг хъуыддæгты министрады Минæвары куысты фæдыл.

10 азы размæ, 2016 азы хуымгæнæны мæйы 2-æм бон Ромы байгом Италийы уæвæг Хуссар Ирыстоны Фæсарæйнаг хъуыддæгты Минæвары офис.

Тæргæйтты мæйы 26-æм бон Республикæ Хуссар Ирыстоны Уæлвæткон æмæ Æххæстбарджын Минæвар Абхазы Боциты Ильяйы фырт Олегыл сæххæст уыдаид 72 азы. 

Боциты Олег куыста Республикæ Абхазы алыхуызон бынæтты, æппæты зындæр рæстæджыты абхазаг æфсымæртимæ иумæ хъахъхъæдта Апсныйы сæрибардзинад æмæ хæдбарад. Дипломатон службæйы уыд 2007 азæй фæстæмæ, 2013 азæй лæууыд Хуссар Ирыстоны Минæварады сæргъ Абхазы. 

Тæргæйтты мæйы 18-æм бон Республикæ Хуссар Ирыстоны Президент Гаглойты Аланы Барамындмæ гæсгæ Кация Русланы фырт Астамур нысангонд æрцыд Республикæ Хуссар Ирыстоны Уæлвæткон æмæ Æххæстбарджын Минæварæй Республикæ Абхазы.

2026 азы тæргæйтты мæйы 23-æм бон

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ райгуырæн боны цытæн.

Сæрмагондæй, арфæйы дзырдæуы:

«Дæ ном у куыд уæрæсейаг, афтæ æппæт дунейы дипломатийы сæрыстырдзинад. Де стыр профессионализм, принципиалондзинад æмæ куырыхондзинад дын æрхастой авторитет куы дæ коллегæты, афтæ милуангай æмбæстæгты 'хсæн дæр, кæцытæн сдæ рæстдзинад хъахъхъæныны символ. 

Тæргæйтты мæйы 19-æм бон Хуссар Ирыстоны ФХъМ-йы хъæппæрисæй онлайн-форматы ацыд фембæлд Манагуаимæ (Никарагуа), кæцыйы хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Никарагуайы Фæсарæйнаг хъуыддæгты со-министр Вальдрак Джентске.

Онлайн-фембæлдмæ æрбаиу сты Никарагуайы Æддагполитикон уагдоны со-министр Денис Монкада, кæцы ис Нью-Йоркы, афтæмæй ма Республикæ Никарагуайы Уæлвæткон æмæ Æххæстбарджын Минæвар Уæрæсейы Федераци æмæ Республикæ Хуссар Ирыстоны Альба Асусена Торрес Мехия.

2026 азы тæргæйтты мæйы 19-æм бон Женевæйы ацыд Фæскавказы стабилондзинад æмæ æдасдзинады фæдыл Æхсæнадæмон дискусситы 66-æм раунд. Дискусситæ цæуынц Медведев æмæ Саркозийы 2008 азы майрæмты мæйы 12-æм æмæ рухæны мæйы 8-æм бонты бадзырдадтæм гæсгæ. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы, Европæйы Æдасдзинад æмæ æмгуыстады фæдыл организацийы минæвæрттæ.