Боциты Олегы Республикæ Хуссар Ирыстоны Уæлрадон æмæ Æххæстбарджын Минæварæй Республикæ Абхазы снысан кæныны тыххæй
Республикæ Хуссар Ирыстоны Президент Тыбылты Л.Х. 2013 азы 15 апрелы Указæй Боциты Олег Ильяйы фырт нысан æрцыдис Республикæ Хуссар Ирыстоны Уæлрадон æмæ Æххæстбарджын Минæварæй Респуликæ Абхазы.
Цыбыр биографион зонæнтæ:
Боциты Олег Ильяйы фырт райгуырдис 1954 азы Абхазы АССР, Ткварчелы горæты.
1976 азы каст фæцис Харьковы паддзахадон университет (механикон факультет).
2013 азы 26-27 марты дунеон дискусситы фæлгæтты Женевæйы уыдис Фæскавказы æдасдзинад æмæ стабилондзинады фæдыл радон фембæлд. Хайад дзы райстой Республикæ Хуссар Ирыстон, Абхазы Республикæ, Гуырдзыстон, Уæрæсейы Федераци æмæ АИШ-ы делегацитæ, афтæ ма ЕЦ, ИНО æмæ ЕÆÆО-йы минæвæрттæ. Хуссар Ирыстоны делегацийы сæргъ лæууыди уавæры фæсконфликтон æрбæстон кæныны фарстыты фæдыл Президенты Æххæстбарджын Минæвар Джиоты М.К.
2013 азы 5 марты Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цыхуырбаты Казбулат йæхимæ райста Сырх Дзуары Дунеон Комитеты Цхинвалы офисы сæргълæууæг Лианæ Хатчинсы.
Ныхасы рæстæджы æхсин Хатчинс информаци сарæзта фæстаг мæйты дæргъы Хуссар Ирыстоны йæ организацийы куысты тыххæй, сæрмагондæй уынаффæ цыдис, гуманитарон характер кæмæн ис, къорд ахæм практикон фарстытыл.
Дыууæ фарсы дæр загътой дарддæр дæр æмгуыстгæнынадмæ сæ цæттæдзинады тыххæй.
Цхинвал, 2013 азы 5 март.
2013 азы 13 марты Республикæ Хуссар Ирыстоны кусæгон балцимæ уыдис Женевæйы дунеон дискусситы Æмсæрдæртты делегаци. Делегацийы Цхинвалы сæхимæ райстой Республикæ Хуссар Ирыстоны къухдариуæгады минæвæрттæ фæсконфликт æрбæстон кæныны фæдыл Республикæ Хуссар Ирыстоны Президенты Æххæстбарджын Минæвар Джиоты М.К. сæргълæудæй.
2013 азы 21 февралы Республикæ Хуссар Ирыстоны Фæсарæйнаг хъуыддæгты министр Санахъоты Д. Г. Мæскуымæ йæ кусæгон балцы рæстæджы фембæлдис Уæрæсейы Федерацийы Фæсарæйнаг хъуыддæгты министры хæдивæг, статс-секретарь Г. Б. Карасинимæ. Фембæлды ма уыдис РХИ Президенты Æххæстбарджын Минæвар Джиоты М. К.
Ныхасы рæстæджы уынаффæ цыдис Уæрæсейы Федераци æмæ Республикæ Хуссар Ирыстоны ‘хсæн дывæрсыг ахастыты актуалон фарстытæ æмæ Фæскавказы æдасдзинад æмæ стабилондзинады фæдыл Женевæйаг дискусситы цы уавæр ис, уыимæ баст фастытæ дæр.
Фæскавказы æдасдзинад æмæ стабилондзинады фæдыл Женевæйы дунеон дискусситы 22-æм раунды тыххæй
2012 азы 12-æм декабры йæ куыст фæци Фæскавказы æдасдзинад æмæ стабилондзинады фæдыл Женевæйы дунеон дискусситы 22-æм радон фембæлд. Хайад дзы райстой Республикæ Хуссар Ирыстон, Республикæ Абхаз, Гуырдзыстон, Уæрæсейы Федераци, АИШ, Европæйы Цæдис, Баиугонд Нациты Организаци æмæ ЕÆÆÆ-йы минæвæрттæ. Хуссарирыстойнаг делегацийы сæргъ лæууыди фæсконфликтон фарстытæ æрбæстон кæныны фæдыл Республикæ Хуссар Ирыстоны Президенты Æххæстбарджын минæвар Джиоты М.К.
Тыбылты Даниел Венесуэлæйы Боливарон Республикæйы Республикæ Хуссар Ирыстоны Уæлвæткон æмæ Æххæстбарджын Минæварæй снысан кæныны тыххæй
Республикæ Хуссар Ирыстоны президент Тыбылты Леониды Указмæ гæсгæ, Тыбылты Даниел Израилы фырт нысан æрцыдис Венесуэлæйы Боливарон Республикæйы Республикæ Хуссар Ирыстоны Уалвæткон æмæ Æххæстбарджын Минæварæй.
Цыбыр биографион зонæнтæ:
Фæсарæйнаг хъуыддæгты министрад 2012 азы йæ архайд дарддæр кодта Республикæ Хуссар Ирыстоны Конституци, æндæр закъæттæ æмæ Республикæйы нормативон-барадон базæмæ гæсгæ. 2012 азы Фæсарæйнаг хъуыддæгты министрады куысты сæйраг фæдыздæхтытæ, куыд раздæр, афтæ, бæлвырд цыдысты Республикæ Хуссар Ирыстоны рæзты стратегийæ, Республикæ Хуссар Ирыстоны Президенты домæнтæм гæсгæ.
22 январы Республикæ Хуссар Ирыстоны Фæсарæйнаг хъуыддæгты министр Санахъоты Дауыт йæхимæ райста Сырх Дзуары Дунеон Комитеты Цхинвалы офисы Сæргълæууæг Лианна Хатчинсы.
Фембæлды рæстæджы уынаффæ цыдис СДДК-йы архайды тыххæй Хуссар Ирыстоны, сæрмагондæй та, 2013 азæн ацы организаци цы проекттæ сплан кодта, уыцы фарстатыл.
Фæсарæйнæг хъуыддæгты министрады сæргълæууæг, æмткæй, æвæрццаг аргъ скодта Сырх Дзуары Дунеон Комитет аивгъуыйгæ азы цы куыст бакодта, уымæн, æмæ загъта дарддæр дæр ахадæн куысты фæндиæгтæ.
Цхинвал, 2012 азы 22 январь
2012 азы 8 августа г.Цхинвал РХИ Фæсарæйнаг хъуыддæгты министрады инициативæйы уагъд æрцыдис тымбыл фынг "Ирон ныхас". Дискуссийы хайад истой ирон общинæты минæвæрттæ Белгийæ, Нидерландтæй, Уæрæсейы Федерацийы регионтæй, Сирийæ, Туркæй, Францæй, Голландийæ, Хуссар Ирыстоны æхсæнадон организациты минæвæрттæ, ирон зонады зынгæ минæвæрттæ. Тымбыл фынгы уынаффæ цыдис 2008 азы августы цаутыл ирон-гуырдзиаг æмахастыты ретроспективæйы. Уымæй дардæр ма ныхасы рацæуджытæ æруынаффæ кодтой ирон диаспорæйы ролыл бæстæйы царды æмæ диаспорæйы проблемæтыл.
2012 азы 28 ноябры Уæрæсейы Федерацийы Хуссар Ирыстоны Минæварады Республикæ Хуссар Ирыстоны Фæсарæйнаг хъуыддæгты министр Санахъоты Дауытæн фембæлд уыди Фæсарæйнаг хъуыддæгты министрады Дипломатон академийы хъусджытимæ æмæ Дунеон ахастыты Мæскуыйы паддзахадон институт (Университет), афтæ ма Уæрæсейы паддзахадон социологион университеты дунеон ахастыты факультетмæ Хуссар Ирыстонæй ахуырмæ ‘рвыст чи рцыд, уыдонимæ.
Фембæлды уыд УФ Республикæ Хуссар Ирыстоны Чрезвычайон æмæ Æххæстбарджын Минæвар Медойты Д.Н.
