Кæфты мæйы 8-æм бон Цхинвалы ацыд Женевæйы æхсæнадæмон дискусситы хуссарирыстойнаг делегацийы хайадисджыты фембæлд Женевæйы дискусситы ЕЦ, ОБСЕ æмæ ИНО-йы Æмсæрдæрттимæ.
Фембæлд ацыд Женевæйы дискусситы 62-æм раунды хæдразмæ æмæ дзы дзырд цыд æрцæугæ раунд ауадзыны фарстатыл.
Кæфты мæйы 7-æм бон Республикæ Хуссар Ирыстоны Президент Гаглойты Алан фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ.
Æддагполитикон уагдоны сæргълæууæг радзырдта Уæрæсейы Федерацийы Фæсарæйнаг хъуыддæгты министр Сергей Лавровимæ фембæлды фæстиуджыты фæдыл, кæцы ацыд кæфты мæйы 4-æм бон.
Кæфты мæйы 4-æм бон Хуссар Ирыстоны Минæварады Уæрæсейы ацыд схорзæх кæныны цытджын церемони.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Республикæ Хуссар Ирыстон æмæ Республикæ Абхазы адæмы ‘хсæн ахастытæ фидар кæныны фæдыл схорзæхджын кодта Абхазы Уæлвæткон æмæ Æххæстбарджын Минæвар Уæрæсейы Алхас Квициниайы Хæлардзинады Орденæй.
Схорзæх кæныны церемонийы уыд Республикæ Абхазы Фæсарæйнаг хъуыддæгты министр Сергей Шамба.
Алхас Квициниа бузныджы ныхæстæ загъта хорзæхы фæдыл æмæ банысан кодта иумæйаг куысты ахсджиагдзинад.
Кæфты мæйы 4-æм бон Æвзонг дипломатты VIII Евразиаг форумы программæйы фæлгæтты ацыдысты Хуссар Ирыстон æмæ Уæрæсейы ФХъМ-йы Æвзонг дипломатты советы минæвæртты дывæрсон консультацитæ. Коллегæтæ æрдзырдтой Æвзонг дипломатты советы фадыджы æмгуыстадыл æмæ дарддæры фæстиуæгджын æмархайдыл.
Кæфты мæйы 4-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министр Сергей Лавровы фембæлд.
Хуссар Ирыстоны фарсæрдыгæй фембæлды хайад иста Республикæ Хуссар Ирыстоны Фæсарæйнаг хъуыддæгты министры Фыццаг хæдивæг Цхуырбаты Андрей æмæ Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыр.
Æрдзырдæуыд хуссарирыстойнаг-уæрæсейаг дывæрсон ахастыты актуалон фарстатыл, æхсæнадæмон æмæ регионалон проблемæтыл.
Кæфты мæйы 1-4 бонты Республикæ Хуссар Ирыстоны Фæсарæйнаг хъуыддæгты министрады минæвæрттæ хайад исынц Æвзонг дипломатты VIII Евразиаг форум «Еврази бирæполярон дунейы: зындзинæдтæ æмæ перспективæтæ»-йы, кæцы цæуы Мæскуыйы.
2024 азы рухæны мæйы 24-26 бонты сахар Цхинвалы ацыд Иумæйаг хуссарирыстойнаг-уæрæсейаг демаркацион къамисы (дæлдæр- Иумæйаг къамис) Дæсæм рабадт.
Иумæйаг къамис адарддæр кодта Республикæ Хуссар Ирыстон æмæ Уæрæсейы Федерацийы ‘хсæн паддзахадон арæнæн æхсæнадæмон-барадон хуыз раттыны фæдыл куыст.
Фембæлд цыд сабырад æмæ кæрæдзиæмбарынады уавæрты.
Иумæйаг къамисы радон рабадты æмгъуыд æмæ бынат бæрæг цæудзысты дипломатон каналты уылтыл.
Рухæны мæйы 21-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Сириаг Араббаг Республикæйы Уæлвæткон æмæ Æххæстбарджын Минæвар Уæрæсейы Федерацийы Башар аль-Джаафари бабæрæг кодтой Тыбылты Алыксандыры номыл Хуссар Ирыстоны Паддзахадон университет.
ХИПУ-йы Ректор Тедеты Вадимимæ фембæлды рæстæджы æрдзырдæуыд Сириаг Араббаг Республикæйы уæлдæр ахуырадон уагдæттимæ ХИПУ-йы æмгуыстадыл.
Фембæлды официалон хайы фæстæ ректор ауагъта уазджытæн Университетыл экскурси.
Цхинвал, 2024 азы рухæны мæйы 21-æм бон
Рухæны мæйы 21-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Башар аль-Джаафари сæвæрдтой дидинтæ Цхинвалы мемориалон комплекс «Хуссар Ирыстоны хъахъхъæнджытæн»-мæ.
Башар аль-Джаафари Цхинвалмæ æрцыд Сириаг Араббаг делегацийы сæргъ Республикæ Хуссар Ирыстон Расидыны бонæй 34 азы рацыды цытæн бæрæгбонмæ.
Цхинвал, 2024 азы рухæны мæйы 21-æм бон
Рухæны мæйы 20-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Сириаг Араббаг Республикæйы Уæлвæткон æмæ Æххæстбарджын Минæвар Уæрæсейы Федерацийы Башар аль-Джаафариимæ, кæцы делегацийы сæргъ æрцыд Цхинвалмæ Республикæ Хуссар Ирыстон расидыны бонæй 34 азы рацыды цытæн бæрæгбонмæ.
Фембæлды ма хайад райстой Нофаль Кальтум – Уæрæсейы Федерацийы Уæвæг Сириаг Араббаг Республикæйы Минæварады кусæг æмæ Санахъоты Алексей – РХИ-йы ФХъМ-йы фæсарæйнаг уагдæттимæ куысты фæдыл хайады сæрдар.
Абон Хуссар Ирыстоны нысан кæнынц ахсджиаг паддзахадон бæрæгбон – Республикæ расидыны бонæй 34 азы рацыд.
1990 азы рухæны мæйы 20-æм боны Советон Цæдисы сконды Хуссар-Ирыстойнаг Советон Демократон Республикæйы паддзахадон суверенитеты фæдыл Деклараци æрæвæрдта фидар бындур суверенон паддзахады арæзтадæн. Ацы къахдзæф бындуриуæг кодта нацийы хæдуагæвæрды бартыл – историон рæстдзинад сног кæнын, наци бахъахъхъæнын скуынæг кæнынæй.
Рухæны мæйы 17-æм бон æххæст кæны 16 азы Республикæ Хуссар Ирыстон æмæ Уæрæсейы Федерацийы ‘хсæн Хæларад, æмгуыстад æмæ иумæйаг æххуысы фæдыл Бадзырды бафыстыл. Ахсджиаг бадзырд ссис дыууæ бæстæйы æхсæнпаддзахадон ахастытæ бæрæг кæныны фыццаг ахæм бындурон документ, кæцыйы ис нæ бæстæты ‘хсæн политикæ, экономикæ, энергетикæ, хæстон-техникон æмгуыстад, зонад, культурæ, ахуырад, информаци, æнæниздзинадхъахъхъæнынады æмæ æндæр фадгуыты стратегион партнерады бындуртæ.
