Кæфты мæйы 20-æм бон Цхинвалы ацыд Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы хайадисджыты кусæгон фембæлд ЕЦ, ОБСЕ æмæ ИНО-йы Æмсæрдæрттимæ.
Хайадисджытæ равдыстой сæ цæттæдзинад ацы форматы куыст дарддæр кæнынмæ æмæ банысан кодтой Дискусситы ахсджиагдзинад регионалон стабилондзинад æмæ æдасдзинад бахъахъхъæнынæн.
Нысангонд æрцыд Инциденттæ аиуварс кæнын æмæ сæм афоныл хъус æрдарыны фæдыл иумæйаг механизмы куысты ахсджиагдзинад, афтæмæй ма ныхас цыд уыцы форматы «тæвд хахх»-ы куысты фæстиуæгджын архайдыл.
Фембæлды рæстæджы æрдзырдæуыд Фæскавказы Æдасдзинад æмæ стабилондзинады фæдыл æхсæнадæмон дискусситы радон 65-æм раунды актуалон фарстатыл, кæцы нысангонд æрцыд ацы азы джеоргуыбайы мæйы 11-12 бонтæм.
2025 азы кæфты мæйы 20-æм бон