30 июлы Республикæ Хуссар Ирыстоны Фæсарæйнаг хъуыддæгты министр Санахъоты Давид йæхимæ райста Сырх Дзуары Дунеон Комитеты Цхинвалы офисы Сæргълæууæг Валентина Кимы.
Фембæлды рæстæджы уынаффæ цыдис Сырх Дзуары Дунеон Комитеты архайды фарстаты фæдыл Хуссар Ирыстоны, сæрмагондæй æхсин Ким министрæн информаци радта фæстаг мæйты йæ организаци цы куыст кодта, уый тыххæй. Кæрæдзийæн сæ хъуыдытæ загътой, дыууæтæ дæр кæмæ цымыдис кæнынц, къорд ахæм фарстаты фæдыл.
Фæскавказы æдасдзинад æмæ стабилондзинады фæдыл Женевæйы дунеон дискусситы 24-æм раунды фæдыл
2013 азы 25-26 июны Женевæйы дунеон дискусситы фæлгæтты уыдис Фæскавказы æдасдзинад æмæ стабилондзинады радон раунд. Уым хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ делегацитæ, афтæ ма ЕЦ, БНО æмæ ЕЦÆО. Хуссарирыстойнаг делегацийы сæргъ лæууыдис фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К.
2013 азы 27 июны мыхуырæй рацæудзæнис газет «Вестник Республики Южная Осетия»-йы сæрмагонд рауагъд. Уадзы йæ Республикæ Хуссар Ирыстоны Официалон Минæварад Приднестроваг Молдоваг Республикæйы. Ацы рауагъд цæуы, куыд ПМР республикон газет «Приднестровье»-йы уæлæмхасæн, афтæ, 2009 азы февралæй фæстæмæ æрвыл квартал дæр.
2013 азы 6 июны Республикæ Хуссар Ирыстоны Фæсарæйнаг хъуыддæгты министр Санахъоты Д.Г. йæхимæ райста Республикæ Хуссар Ирыстоны Сырх Дзуары Дунеон Комитеты Минæварады ног Сæргълæууæг Валентинæ Кимы.
Фембæлды рæстæджы бауынаффæ чындæуыд æмкуысткæнынады бындурон аспекттыл, сæйраджыдæр та уынаффæ цыдис, гуманитарон æмæ социалон характер кæмæн уыдис, къорд ахæм практикон фарстытыл.
Министр ныфсдзинад загъта, Сырх Дзуары Дунеон Комитетимæ дарддæры ахадæн æмкуыст кæй цæудзæн, уый тыххæй.
Цхинвал, 2013 азы 6 июнь
Итали-Хуссар Ирыстоны Хæлардзинады æхсæнады делегацийы РХИ Фæсарæйнаг хъуыддæгты министрад йæхимæ кæй райста, уый фæдыл
Республикæ Хуссар Ирыстоны Фæсарæйнаг хъуыддæгты министр Санахъоты Д.Г. æрхуындмæ гæсгæ, 2013 азы 1-3 июны Республикæ Хуссар Ирыстоны уыдис делегаци Италийæ, Итали æмæ Хуссар Ирыстоны æхсæн хæлардзинады æхсæнады президент профессор Мауро Мурджиайы сæргълæудæй.
2013 азы 20 майы Хуссар Ирыстоны уагъд æрцыдысты, 1992 азы Зары фæндагыл гуырдзиаг агрессийы амæттаг чи баисты, уыцы сабыр цæрæг адæймæгты нæмттæ мысыны сæраппонд мадзæлттæ.
1992 азы 20 майы æрхъулагонд Цхинвалы горæты иннæ дунеимæ чи баста, Зары уыцы Царды фæндагыл комкоммæ æхст æрцыдис, бахъахъæнæг кæй нæ уыдис, уыцы сывæллæтты, сылгоймæгты æмæ зæрæдты машинæйы колоннæ. Фæмард дзы сты 33 адæймаджы æмæ дзы 16 та фесты цæфтæ. Чи фæмард, уыдонæй се ‘ппæты хистæрыл цыдис 73 æмæ æппæты кæстæрыл та – 11 азы.
2013 азы 17 майы Женевайы дискусситы хайадисæг хуссарирыстойнаг делегацийæн Фæскавказы æдасдзинад æмæ стабилондзинад æрбæстон кæныны фæдыл Президенты Æххæстбарджын Минæвар Джиоты Мураты сæргълæудæй Цхинвалы фембæлдысты Фæскавказы æдасдзинад æмæ стабилондзинады фæдыл Женевайы дискусситы æмсæрдæрттæ ЕЦ, ЕЦÆО æмæ БНО-йы æмсæрдæрттимæ.
2013 азы 16 майы Республикæ Хуссар Ирыстоны Фæсарæйнаг хъуыддæгты министр Санахъоты Д.Г. официалон визиты уыдис Сухумы, кæцыран хайад райста Республикæ Абхазы Фæсарæйнаг хъуыддæгты министрад саразыныл 20 азы сæххæсты боны цытæн уагъдцæуæг мадзæлтты.
Визиты рæстæджы РХИ Фæсарæйнаг хъуыддæгты Министр Санахъоты Д.Г.фембæлдис РА Фæсарæйнаг хъуыддæгты Министр В.А. Чирикбаимæ æмæ æруынаффæ кодтой дывæрсыг æмкуысткæнынады фарстатыл, афтæ ма 2013 азæн сæ къухтæ бафыстой Консультациты планыл.
2013 азы 24 апрелы Республикæ Хуссар Ирыстоны Фæсарæйнаг хъуыддæгты министр Санахъоты Д.Г. Мæскуыйы йæ кусæгон балцы рæстæджы фембæлдис Уæрæсейы Федерацийы Фæсарæйнаг хъуыддæгты министры хæдивæг статс-секретарь Г.Б. Карасинимæ.
Ныхасы рæстæджы уынаффæ цыдис Уæрæсейы Федерацийы æмæ Республикæ Хуссар Ирыстоны дывæрсыг ахастыты актуалон фарстытыл, сæ политикон æмархайдыл, афтæ ма Хуссар Кавказы ныры ситуацийы иуæй-иу аспекттыл дæр.
Цхинвал, 2013 азы 25 апрель
Боциты Олегы Республикæ Хуссар Ирыстоны Уæлрадон æмæ Æххæстбарджын Минæварæй Республикæ Абхазы снысан кæныны тыххæй
Республикæ Хуссар Ирыстоны Президент Тыбылты Л.Х. 2013 азы 15 апрелы Указæй Боциты Олег Ильяйы фырт нысан æрцыдис Республикæ Хуссар Ирыстоны Уæлрадон æмæ Æххæстбарджын Минæварæй Респуликæ Абхазы.
Цыбыр биографион зонæнтæ:
Боциты Олег Ильяйы фырт райгуырдис 1954 азы Абхазы АССР, Ткварчелы горæты.
1976 азы каст фæцис Харьковы паддзахадон университет (механикон факультет).
2013 азы 26-27 марты дунеон дискусситы фæлгæтты Женевæйы уыдис Фæскавказы æдасдзинад æмæ стабилондзинады фæдыл радон фембæлд. Хайад дзы райстой Республикæ Хуссар Ирыстон, Абхазы Республикæ, Гуырдзыстон, Уæрæсейы Федераци æмæ АИШ-ы делегацитæ, афтæ ма ЕЦ, ИНО æмæ ЕÆÆО-йы минæвæрттæ. Хуссар Ирыстоны делегацийы сæргъ лæууыди уавæры фæсконфликтон æрбæстон кæныны фарстыты фæдыл Президенты Æххæстбарджын Минæвар Джиоты М.К.
2013 азы 5 марты Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цыхуырбаты Казбулат йæхимæ райста Сырх Дзуары Дунеон Комитеты Цхинвалы офисы сæргълæууæг Лианæ Хатчинсы.
Ныхасы рæстæджы æхсин Хатчинс информаци сарæзта фæстаг мæйты дæргъы Хуссар Ирыстоны йæ организацийы куысты тыххæй, сæрмагондæй уынаффæ цыдис, гуманитарон характер кæмæн ис, къорд ахæм практикон фарстытыл.
Дыууæ фарсы дæр загътой дарддæр дæр æмгуыстгæнынадмæ сæ цæттæдзинады тыххæй.
Цхинвал, 2013 азы 5 март.
