25 апрелы, Мæскуыйы, Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. фæмбæлд статс-секретарь – Уæрæсейы Федерацийы Фæсарæйнаг хъуыддæгты министры хæдивæг Г.Б. Карасинимæ æмæ сын уыдис консультацитæ.
Фембæлды кæрæдзийæн лæмбынæгæй сæ хъуыдытæ загътой, дыууæ фарсæн дæр цымыдисон чи сты, уыцы дывæрсыг ахастыты актуалон фарстаты тыххæй, афтæ ма бæлвырд æрцыдысты æндæр къабæзты дыууæ бæстæйы интерестæн бындурон куыстыты фæдæздæхты дарддæры рæзтмæ.
2014 азы 25 апрелы уыдис Республикæ Хуссар Ирыстоны Фæсарæйнаг хъуыддæгты министры хæсты æххæстгæнæг Санахъоты Д.Г., Уæрæсейы Федерацийы Фæсарæйнаг хъуыддæгты министр С.В. Лавров æмæ Абхазы Республикæйы Фæсарæйнаг хъуыддæгты министр В.А. Чирикбайы кусæгон фембæлд.
Хуссар Ирыстоны æмæ Уæрæсейы ‘хсæн фембæлдтыты фæлгæтты къухтæ фыст æрцыдысты 2014-2015 азты æхсæнмидхъуыддæгты консультациты планыл.
Италимæ Фæсарæйнаг хъуыддæгты министры хæстæ æххæстгæнæг Санахъоты Д.Г. кусæгон балцы тыххæй
2014 азы 27-31 марты Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. кусæгон балцы уыдис Италийы. Балцы фæлгæтты уый горæдтæ Ассизи, Беллуно æмæ Венецийы ауагъта къорд хъуыддагон фембæлды.
Горæт Ассизийы йын фембæлд уыдис горæты мэры фыццаг уынаффæгæнæг Франческо Миньаниимæ, кæцыран æркастысты Цхинвал æмæ Ассизийы ‘хсæн экономикæйы, культурæйы æмæ ахуырады къабæзты перспективон бастдзинæдтæ аразыны фарстатæм.
Фæскавказы æдасдзинад æмæ стабилондзинады фарстаты фæдыл Женевæйы дискусситы 27-æм раунды тыххæй
2014 азы 25-26 марты Женевæйы уыдис Женевæйы дискусситы æнæрадон 27-æм раунд Фæскавказы æдасдзинад æмæ стабилондзинады фæдыл. Фембæлды хайад райстой Республикæ Хуссар Ирыстоны, Абхазы Республикæйы, Гуырдзыстоны, Уæрæсейы Федерацийы, АИШ минæвæрттæ, афтæ ма ЕЦ, БНО æмæ ЕЦÆО. Хуссарирыстойнаг делегацийы сæргъ лæууыдис фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К.
Абон Мæскуыйы къухтæ фыст æрцыдысты Уæрæсейы Федерацийы скондмæ Республикæ Хъырым æмæ горæт Севастополь райсыны æмæ Уæрæсейы Федерацийы сконды ног субъекттæ сырæзыны фæдыл Бадзырд.
Хуссар Ирыстоны хорзыл нымайынц Уæрæсейы Федерациимæ Республикæ Хъырымы æмæ горæт Севастополь баиу кæныны уынаффæ. Ацы цау, кæцы Хъырымы бирæнацион адæмы фæндондзинады сæххæстæн æмæ æвдисæн у историонрæстдзинад æмæ дунеон барады фæуæлахизæн.
Хуссар Ирыстоны лæмбынæг сæ хъус дарынц Хъырымыцаутæм, кæцыран республикæйы дарддæры хъысмæты фарсты фæдыл уагъд æрцыдис референдум. Хъæлæс кæныны хайад чи райста, уыдонæй 96% фылдæр се’мзæрдæдзинад равдыстой сæ фидæн равзарыны хъуыддаджы Уæрæсейы Федерацийы скондмæ бацæуыны тыххæй.
20 бæстæйæ дзы цы дунеон цæстдарджытæ уыдис, уыдоны хъуыдымæ гæсгæ референдум уагъд цыдис бæрæгбонон уавæрты, дунейон-райстгонд стандартон æмæ демократон процедурæты нормæты закъондæттынад æххæст кæнгæйæ.
2014 азы 11 марты фæсконфликтон фарстатæ æрбæстон кæныны фæдыл Женевæйы дискусситы хайадисæг хуссарирыстойнаг делегацийæн Президенты Æххæстбарджын Минæвар Джиоты Мураты сæргълæудæй Цхинвалы кусæгон фембæлд уыдис Фæскавказы æдасдзинад æмæ стабилондзинады фæдыл Женевæйы дискусситы æмсæрдæрттимæ ЕЦ, ЕЦÆО æмæ БНО-йæ, кæцытæ Республикæмæ æрцыдысты дискусситы радон раунды хæдразмæ.
Фембæлды бындурон темæ уыдис, ацы аз 25-26 марты, нысангонд чи цæуы, Женевæйы дискусситы уыцы 27-æм раундмæ бацæттæ кæнын.
Украинайы æрцæугæ цауты фæдыл
Фæстаг рæстæджы Хуссар Ирыстоны катайгæнгæ сæ хъус дарынц Украинайы цы вазыгджын цаутæ цæуынц, уыдонимæ, кæцыран паддзахадон фæфæлдæхты фæстиуæгæн Киев æмæ Ныгуылæн Украинайы бирæ горæдтæ бахаудтой хотыхджын радикалон экстремисты къухты. Уыдон архайд кæны масштабондæр æмæ йын ис агрессивон характер.
12 февралы Бафидауын кæныны æмæ æмбæстагон æмбардзинады фæдыл Гуырдзыстоны министр Паата Закареишвили вашингтойнаг Карнегийы Центры йæ раныхасы банысан кодта, зæгъгæ, Уæрæсеимæ Хуссар Ирыстоны æмæ Абхазы бастдзинад у «хæдаразгæ æмæ историон чи нæу, ахæм» æмæ «Уæрæсейæн ныртæккæ регионы чи ис, уыцы иунæг-иу ресурс та у сындзджын тел».
28 февралæй 3 мартмæ Республикæ Хуссар Ирыстоны кусæгон визитимæ уыдис Итали æмæ Сан-Маринойы делегаци Итали-Хуссар Ирыстоны хæлардзинады Æхсæнады Президент профессор Мауро Мурджиайы сæргълæудæй.
Делегацийы йæхимæ райста Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. Ныхасы рæстæджы банысан æрцыдис, бирæрæстæгмæйон интерестæн дзуапп кæй дæтты ахастыты дарддæры рæзт æмæ фидардæр кæнынæн, сæрмагондæй та Итали-Хуссар Ирыстоны хæлардзинады Æхсæнады базарадон-экономикон æмæ культурон къабæзты фæлгæтты.
28 февралы Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Дауыт Абхазы Республикæйы Республикæ Хуссар Ирыстоны ног снысангонд Минæвар Елбачиты Аланæй райста æууæнчы грамотæты халдихтæ.
Санахъоты Дауыт арфæ ракодта Елбачиты Аланæн, бынаты нысангонд кæй æрцыдис, уый тыххæй, æмæ йын загъта, цæмæй йын дывæрсыг ахастыты рæзты хъуыддаджы йæ куысты уа æнтыстытæ. Йæхи рады, Елбачиты Алан йæ цæттæдзинад загъта Абхаз æмæ Хуссар Ирыстоны ‘хсæн æппæтфарсон æмгуыстады дарддæры рæзтмæ.
Цхинвал, 2014 азы 28 февраль
Фæстаг рæстæджы дзыллон информацийы фæрæзтæ се’ мыдзаг сты Гуырдзыстоны къухдариуæгады хъусынгæнинæгтæй, цыран уыдон радон хатт «тынг тыхсынц» Республикæ Хуссар Ирыстоны паддзахадон арæны хаххыл кæй сног сты инженерон-хъахъхъæнæн æмбонды арæзтады куыстытæ, уый фæдыл.
