Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгты базарад æмæ финансты министрадмæ Республикæ Хуссар Ирыстон æмæ Республикæ Науруйы ‘хсæн дипломатон ахастытæ сфидар кæнынæй 14 азы рацыды цытæн.
Сæрмагондæй, арфæйы дзырдæуы:
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста мæсæллæйы нотæ Республикæ Абхазы Фæсарæйнаг хъуыддæгты министр Инал Ардзинбамæ Латайы трагедийы амæттæгты Мысæн боны охыл.
Сæрмагондæй, нотæйы дзырдæуы:
«1992 азы цыппурсы мæйы 14-æм бон у Абхазы историйы æппæты æвирхъаудæр бонтæй иу. Гуырдзиаг агрессортæ æрæппæрстой хæдтæхæг цæрджытæ, сылгоймæгтæ æмæ сывæллæттимæ. Ацы цау адæмы зæрдæты баззайдзæн æнæбайгас хъæдгомæй».
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ Уæрæсейы Федерацийы Конституцийы боны цытæн.
Сæрмагондæй, арфæйы дзырдæуы:
«1993 азы цыппурсы мæйы 12-æм бон ист æрцыд Уæрæсейы Бындурон закъон, кæцымæ гæсгæ бæрæг æрцыдысты паддзахаддзинады принциптæ æмæ æмбæстаджы сæйраг хæстæ æмæ бартæ. Бæстæйы демократон размæдзыды фидар бындур уæвгæйæ, Конституци ссис æмбæстагон сабырдзинады гарант.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста юбилейы цытæн арфæйы фыстæг Республикæ Никарагуайы Фæсарæйнаг хъуыддæгты министр Денис Роналдо Монкада Колиндресмæ.
Сæрмагондæй, арфæйы дзырдæуы:
«Æцæг революционер æмæ Даниэль Ортегайы æмвæндон, паддзахадон архайæг æмæ дипломат, патриот æмæ йæ бæстæйы æмбæстаг уæвгæйæ, бирæ азты дæргъы бæрнонæй фæкуыстай Никарагуа æмæ йæ адæмы хæрзиуæгæн.
Дунеон зын политикон уавæры дæ къухдариуæгады бын цæуы бæстон куыст Никарагуайы æмæ йе ‘мцæдисонты æддагполитикон интерестæ хъахъхъæныны хъуыддаджы».
Æхсардзинады æмæ Адæмон Иудзинады боны фæдыл Республикæ Абхазы Фæсарæйнаг хъуыддæгты министрад рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министрадмæ.
Сæрмагондæй, арфæйы дзырдæуы:
«1989 азы джеоргуыбайы мæйы 23-æм бон у æхсардзинад, æнæбасæтгæ ныфсы фидар дæнцæг, кæцы ссис адæмы иудзинады символ. Ацы бон æрæвæрдта бындур Хуссар Ирыстоны адæмы Фыдыбæстæйы сæрибардзинад æмæ хæдбарады сæраппонд хъæбатыр тохæн .
Абон Хуссар Ирыстон размæ цæуы, хъахъхъæны йæ истори, хъæздыг культурæ æмæ æгъдæуттæ».
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг юбилейы цытæн Уæрæсейы Федерацийы Фæсарæйнаг хъуыддæгты министрады Хæдбар Паддзахадты Æмхæларады бæстæты Цыппæрæм департаменты директор Денис Гончармæ.
Сæрмагондæй, арфæйы дзырдæуы:
«Дæ бæрзонд профессионализм æмæ адæймаджы миниуджытæ нысан кæнгæйæ, фæнды мæ уæлдай тынг бахахх кæнын де стыр хайбавæрд хуссарирыстойнаг-уæрæсейаг политикон æмæ дипломатон ахастытæ сфидар кæнынмæ. Уый нæ бæстæты æмæ адæмы ‘хсæн бастдзинæдты размæдзыдæн дæтты фидар бындур».
Республикæ Хуссар Ирыстоны Фæсарæйнаг хъуыддæгты министр Джиоты Æхсар Адæмон иудзинады боны фæдыл арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ.
Сæрмагондæй, арфæйы дзырдæуы:
«Уæрæсейы паддзахадон бæрæгбонты ‘хсæн Адæмон иудзинады бон ахсы уæзгæ бынат. Уæрæсейы Федерацийы бирæконфессионалон адæмæн ацы бæрæгбон у æнгомдзинад æмæ бæстæйы истори, культурæ, афтæмæй ма традицитæй сæрыстырдзинады символ, рухс сомбоны ныфс».
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста мæсæллæйы нотæ Сириаг Араббаг Республикæйы Фæсарæйнаг хъуыддæгты æмæ æмбæстæгты хъуыддæгты фæдыл министр Фейсал аль-Микдадмæ Хомсы террористон акты охыл.
Нотæйы дзырдæуы:
«Стыр хъыгзæрдæимæ райстон горæт Хомсы хæстон академийыл террористон атакæйы цау, кæцыйы фæхъуыдысты адæймаджы удтæ, се ‘хсæн бынæттон цæрджытæ дæр.
Хуссар Ирыстон иу æмæ дыууæ хатты нæ бавзæрста Гуырдзыстоны ‘рдыгæй терроры акцитæ æмæ уый фæдыл у ацы фыдракæнды ныхмæ.
Республикæ Хуссар Ирыстоны Фæсарæйнаг хъуыддæгты министр Джиоты Æхсар раарфæ кодта Республикæ Абхазы Фæсарæйнаг хъуыддæгты министр Инал Ардзинбайæн Республикæ Абхазы Уæлахизы Боны æмæ Хæдбардзинады цытæн.
Сæрмагондæй, арфæйы дзырдæуы:
«1993 азы рухæны мæйы 30-æм бон ссис абхазаг адæмæн стыр сгуыхтдзинады рæстæг. Æнæбасæтгæ национ ныфс, патриотизм æмæ æнгомдзинад равдисгæйæ, уыдонæн бантыст стыр фыдæбæттæ æмæ бирæ зиæнтты фæстæ ‘рыздахын сæ зæхмæ сабырад æмæ æнцойад.
Республикæйы Боны цытæн Республикæ Абхазы Фæсарæйнаг хъуыддæгты министр Инал Ардзинба рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, арфæйы дзырдæуы:
«Хуссар Ирыстон æнтысджынæй цæуы йæ паддзахад фидар кæныны, социалон-экономикон райрæзты фæндагыл. Ныффидаргонд хæларадон ахастытæ Республикæ Абхаз æмæ Республикæ Хуссар Ирыстоны ‘хсæн æнæрлæугæйæ размæ цæуынц.
Ныфс дарын, кæрæдзиæмбарынад, æууæнкыл бындуриуæг кæнгæйæ, дывæрсон абхазаг-хуссарирыстойнаг æмгуыстад дарддæр дæр кæй фидар кæндзæн».
Республикæйы Боны цытæн Приднестроваг Молдаваг Республикæйы Фæсарæйнаг хъуыддæгты министр Виталий Игнатьев рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, арфæйы дзырдæуы:
«Зындзинæдтæм æнæкæсгæйæ, Хуссар Ирыстоны адæм фидарæй хъахъхъæнынц Райгуырæн бæстæйы хæдбардзинад æмæ уый фæдыл ацы бæрæгбоны сæмбырд сты сæ хъæддыхдзинад æмæ лæгдзинад. Республикæйы Бон æнгом кæны йæ бæстæйы историйæн чи кад кæны, Фыдыбæстæйы райрæзтмæ, фидæны фæлтæрты фæрныгадмæ уæзгæ хайбавæрд чи хаста æмæ хæссы, æппæт уыдоны.
Республикæ Никарагуайы Хæдбардзинады боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты министр Денис Роналдо Монкада Колиндресмæ.
Сæрмагондæй, арфæйы дзырдæуы:
«Никарагуайаг адæм æнусты дæргъы цæмæ бæллыдысты, уый æххæст кæнынæн бындур æрæвæрдæуыд 1821 азы рухæны мæйы 15-æм бон Центрон Америкæйы Хæдбардзинады Акты райстæй. Уæдæй фæстæмæ райдыдта зын, фæлæ ахсджиаг тох бæстæйы сæрибардзинады, национ хиæмбарынад фидар кæныны сæраппонд.
