Адæмон иудзинады боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ.
Сæрмагондæй, арфæйы дзырдæуы:
«Джеоргуыбайы мæйы 4-æм бон уæрæсейаг дунейæн у æппæты ахсджиагдæр бонтæй иу. Адæмон иудзинады бон æвдисы Уæрæсейы бирæнацион æмæ бирæконфессион адæмы æнгомдзинад æмæ монон иудзинад, Фыдыбæстæйыл æнувыддзинад. Æфсымæрон адæмы историон сгуыхтдзинад æмæ патриотизмæн кад кæнгæйæ, ацы бæрæгбон нысан цæуы Хуссар Ирыстоны дæр, кæцыйы цæрджыты 90% сты Уæрæсейы Федерацийы æмбæстæгтæ».