2013 азы 9-æм августы Республикæ Хуссар Ирыстоны Фæсарæйнаг хъуыддæгты министрады Фæсарæйнаг хъуыддæгты министр Санахъоты Д.Г. фембæлдис Итали-Хуссар Ирыстоны хæлардзинады Æхсæнады Президент профессор Мауро Мурджиайы сæргълæудæй Италийы делегацийыл.
Уазджытæн æгасцуат зæгъыны фæстæ Санахъоты Давид банысан кодта, зæгъгæ, Хуссар Ирыстонимæ Италийы минæвæртты контакттæн ис стыр нысаниуæг æмæ ныфсдзинад загъта ацы бастдзинæдтæ дарддæр дæр кæй уæрæхдæр æмæ фидардæр кæндзысты, афтæ ма ахъаз кæндзысты Республикæйæн дунеон изоляцийæ рахизынæн.
Профессор Мауро Мурджиа радзырдта Итали-Хуссар Ирыстоны хæлардзинады Æхсæнад Хуссар Ирыстоны цауты тыххæй рæстаг информаци дæттыныл цахæм куыст кæны, уый фæдыл.
Фембæлды хайадисджытæ æруынаффæ кодтой Хуссар Ирыстон æмæ Италийы ‘хсæн æмкуысткæнынады программæйыл, кæцымæ хауынц культурон, зонадон æмæ спорты сферæтæ, уымæн æмæ растдæр ацы къабæзты æмархайд фидардæр кæндзæнис хæларадон æмахастытæ италийаг æмæ хуссарирыстойнаг адæмты ‘хсæн.
Италийы делегаци активон хайад райста Хуссар Ирыстонмæ Гуырдзыстоны хотыхджын агрессийы фондз азы сæххæсты цытæн уагъдгонд зæрдылдарæн мадзæлтты.
Мауро Мурджиа хуссарирысстойнаг фарсæн ныфс бавæрдта, зæгъгæ, кæд Гуырдзыстоны ‘рдыгæй ис ныхмæ архайдтытæ æмæ Италийы тынг тыхджын у гуырдзиаг лобби, уæддæр дарддæр кæндзысты сæ архайдтытæ Хуссар Ирыстонæй информаци дæттыныл æмæ йын Европæйы йæ имидж рæзын кæныныл.
Фембæлды кæрон Министр бузныг загъта уазджытæн, Республикæ Хуссар Ирыстонмæ кæй цымыдис кæнынц, уый тыххæй.
Цхинвал, 2013 азы 10 август