6 июлы Республикӕ Хуссар Ирыстоны Фӕсарӕйнаг хъуыддӕгты министр Санахъоты Давид кусӕгон визиты уыдис абхазы Республикӕйы ӕмӕ фембӕлдис Фӕсарӕйнаг хъуыддӕгты министр В.Чирикбаимӕ.
Хӕларадон ӕмӕ конструктивон атмосферӕйы уыдон бауынаффӕ кодтой дыууӕ паддзахады дывӕрсыг ӕмкуысткӕнынады ӕмӕ бындурон фӕдӕздӕхтыты рӕзты перспективӕтыл. Ныхасы рӕстӕджы министртӕ ӕвзӕрыл банымадтой 2012 азы 3 июлы БНО Генералон Ассамблей кӕй райста уыцы «Абхазӕй, Гуырдзыстонӕй ӕмӕ Цхинвалы регионӕй (Хуссар Ирыстон) химидӕг иу ранӕй иннӕ ранмӕ цӕрынтӕ чи ацыдысты ӕмӕ лигъдонты тыххӕй резолюцийы уагӕвӕрд», уымӕн ӕмӕ ацы резолюцийыл уынаффӕ кӕныны хайад нӕ истой Хуссар Ирыстоны ӕмӕ Абхазы минӕвӕрттӕ.
Ӕфтӕ ма фембӕлды рӕстӕджы банысан кодтой 2013-1014 азты Республикӕ Абхазы ӕмӕ Хуссар Ирыстоны Фӕсарӕйнаг хъуыддӕгты министрадты ‘хсӕн консультацитӕ бакусыны план ӕмӕ сыл къухтӕ ӕрфысыны актуалондзинад.
Санакъоты Д. ӕмӕ В. Чирикба загътой иумиаг хъуыды, цӕмӕй адарддӕр кӕной предметон ӕмӕ политикон диалог, кӕцы фидардӕр ӕмӕ арфдӕр кӕндзӕн Республикӕ Хуссар Ирыстоны ӕмӕ Республикӕ Абхазы ‘хсӕн партнерон ахастытӕ ӕмӕ дыууӕ бӕстӕйы дипломатон ведомтсвӕты ӕмкуысткӕнынад.
Санахъоты Д. ма йӕ визиты рӕстӕджы быцыдис Республикӕ Хуссар Ирыстонӕй уым, лагеры, цы сывӕллӕттӕ улӕфынц, уыдонмӕ дӕр.
Цхинвал, 2012 азы 10 июл