Республикæ Никарагуайы ‘рдыгæй Республикæ Хуссар Ирыстоны Хæдбардзинады банымады бонæй 18 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты соминистртæ Денис Роналдо Монкада Колиндрес æмæ Вальдрак Людвинг Джентске Уитакермæ.
Джиоты Æхсар банысан кодта, Команданте Даниэль Ортега æмæ Росарио Морильойы уынаффæ Республикæ Хуссар Ирыстонæн йæ нырыккон историйы бæрнондæр рæстæджы кæй ссис ахсджиаг политикон æмæ моралон æнцой, афтæмæй ма бахахх кодта, ирон адæм кæддæриддæр сæ зæрдыл кæй дарынц Никарагуайы æххуыс, кæцы бындуриуæг кæны æхсæнадæмон барады нормæтæ, æмбардзинады принциптæ, рæстдзинад æмæ æнгомдзинадыл.
Республикæ Хуссар Ирыстоны Фæсарæйнаг хъуыддæгты министр Республикæ Никарагуайæн загъта фæрныгад æмæ хæларады фæндиæгтæ. Ныфс дары, абоны æхсæнадæмон æндæвдады зын уавæрты дыууæ бæстæйы 'хсæн æмархайд æппæтварсонæй размæ кæй цæудзæн.