Тæргæйтты мæйы 2-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Тымбыл фынг «Уæрæсе æмæ Ирыстоны адæмты иудзинад: культурæты диалог нырыккон уавæрты»-йы куысты, кæцы арæзт æрцыд Уæрæсейы Адæмты иудзинады азы фæлгæтты РПП «Иудзинад» æмæ РПП «Ныхас»-ы æххуысæй.
Мадзал ацыд Анахарсисы номыл Хуссар Ирыстоны Республикон библиотекæйы æмæ йæ сæйраг нысан у æхсæнадæмон ахастыты дарддæры райрæзт æмæ адæмты ‘хсæн хæлардзинады сфидаркæнынад.
Тымбыл фынджы хайадисджытæ систы Хуссар Ирыстоны Президенты Администрацийы, хицауады æмæ Парламенты, Республикæйы зонадон æмæ сфæлдыстадон интеллигенцийы, æхсæнадон организациты, Хуссар Ирыстоны уæвæг Уæрæсейы Минæварады минæвæрттæ, РЦИ-Аланийæ делегаци.
Хуссар Ирыстоны Президент Гаглойты Аланы номæй арфæйы ныхæстæ загъта Президенты Паддзахадон Уынаффæгæнæг Беджызаты Батрадз.
Джиоты Æхсар йæ раныхасы бахахх кодта Уæрæсейы Федерациимæ æппæтварсон бастдзинæдтæ сфидар кæныны ахсджиагдзинад, афтæмæй ма банысан кодта 2015 азæй Хуссар Ирыстон æмæ Уæрæсейы 'хсæн Æмархайд æмæ интеграцийы фæдыл бадзырды ахсджиагдзинад, кæцы ирдæй æвдисы дыууæ бæстæйы историон бастдзинад. Уæлдай хъусдард министр аздæхта Уæрæсейы Федераци æмæ йæ субъекттæ, фыццаджыдæр, РЦИ-Аланиимæ интеграцион процесты æнæмæнгдзинадмæ.
2026 азы тæргæйтты мæйы 2-æм бон