Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Уæлвæткон æмæ Æххæстбарджын Минæвар Республикæ Хуссар Ирыстоны цытджын Альба Асусена Торрес Мехиямæ йæ Райгуырæн боны цытæн.
Сæрмагондæй, арфæйы дзырдæуы:
«Де стыр профессионализм, фæлтæрддзинад æмæ куырыхондзинад стыр хайбавæрд хæссынц Никарагуайы æддагполитикон курсы реализацийы хъуыддагмæ.
Цытджын Альба, уæлдай ахсджиаг сты дæ хъарм ахаст Хуссар Ирыстоны адæммæ æмæ нæ бæстæты ‘хсæн политикон æмæ дипломатон ахастыты сфидар кæныны фарстатæм дæ хъусдард. Дызæрдыггаг нæу, де 'ппæтварсон хайадист ахсджиаг фарстаты ахъаз кæй уыдзæн нæ адæмы 'хсæн æхсæнпаддзахадон диалог æмæ хæларадон æмбастдзинæдтæ сфидар кæнынæн».