Кæцыдæр гуырдзиаг оппозицион партиты сидт Сирийы хицауадмæ Хуссар Ирыстон æмæ Абхазы банымад фæстæмæ расидыны фæдыл, фыццаджыдæр, дзурæг у мидполитикон кризисыл. Парламентон æвзæрстыты фæстиуджытæ æмæ дæс азæй фылдæр цы политикон тыхтæ уыдысты, уыдоны фæсыкк æркодта ныры уавæрмæ, кæцыйæн ис деструктивон здæхт. Сæ сæйраг хъуыды у популярондзинад апарахат кæнын. Сæрмагондæй, уый уынæм Гуырдзыстоны мидполитикон царды дæр, цыран ныма дæр не ‘рлæууыдысты протестты акцитæ.
Сирийы тыххæй куы дзурæм, уæд ацы бæстæйы хицауадмæ гæрзифтонг оппозицийы æрбацыды фæстæ æрцыд цæхгæр ивындзинæдтæ. Хуссар Ирыстон лæмбынæгæй йæ хъус дары Сирийы æрцæугæ процесстæм. Бæстæйы ивындзинæдтæ фæуыдзысты ног системæ æрбæстон кæныны фæстæ.
Хуссарирыстойнаг-сириаг дывæрсон ахастытæ фидаргонд æрцыдысты 2018 азы зæрдæвæрæны мæйы æхсæнадæмон барады принциптæ æмæ нормæтæм гæсгæ æмæ дарддæр размæ цæуынц уæвæг форматы.
2025 азы æртхъирæны мæйы 4-æм бон