Майрæмты мæйы 7-8 бонты Республикæ Хуссар Ирыстоны цæуынц Хуссар Ирыстоны ныхмæ Гуырдзыстоны хæстон агрессийæ æхсæрдæс азы рацыды охыл мысæн мадзæлттæ.
Майрæмты мæйы 7-æм бон ацыд къамты равдыст «08.08.08 – 08.08.24», афтæмæй ма Хетæгкаты Къостайы номыл Паддзахадон драмон театры 1920 азы ирæтты геноциды фæдыл спектакль «Фæстаг æвдисæн». Уый фæстæ мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы акцийы хайадисджытæ сæвæрдтой дидинтæ мемориалмæ æмæ фæмардуæвджыты рухс номыл ссыгътой цырæгътæ.
Майрæмты мæйы 8-æм бон Хуссар Ирыстоны хъахъхъæнджытæ цы бынæтты фæмард сты, уырдæм, се ‘хсæн Тъбеты хъæуы «Сыгъд удты музейы» централон монумент - «Хъынцъымы бæласмæ». Дзауы районы Итраписы хъæуы ацыд уæрæсейаг хæстон тæхæг, Уæрæсейы Хъайтар Владимир Едаменкойæн, кæцы фæмард 2008 азы майрæмты мæйы, цырт бакæныны официалон церемони. Майрæмты мæйы хæсты амæттæгты рухс нæмттыл Республикæйы аргъуанты ацыдысты мысæн службæтæ.
Мысæн мадзæлтты исынц хайад Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
Цхинвал, 2024 азы майрæмты мæйы 8-æм бон