Хурхæтæны мæйы 8-æм боны Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Туркаг Республикæйы Минæвæртты Хоситы Бурхан æмæ Хъуысаты Садреттины, кæдон æрцыдысты Республикæ Хуссар Ирыстоны Парламенты æстæм æрсидты депутатты æвзæрстытæм æхсæнадæмон цæстдарджыты хуызы.
Джиоты Æхсар бузныджы ныхæстæ загъта уазджытæн се ‘рцыды æмæ Хуссар Ирыстоны политикон цардмæ цымыдисдзинады фæдыл. Хоситы Б. æмæ Хъуысаты С. банысан кодтой æвзæрстыты ахсджиагдзинад Хуссар Ирыстоны дарддæры райрæзты, йæ политикон институттæ хуыздæр кæныны хъуыддаджы.
Æвзæрстытæ кæй ацæудзысты закъон æмæ æхсæнадæмон стандарттæм гæсгæ, уый ныфс ис фембæлды хайадисджыты.
Цхинвал, 2024 азы хурхæтæны мæйы 8-æм бон