2015 азы 11 августы Уæрæсейы Федерацийы Фæсарæнаг хъуыддæгты министрады уагъд æрцыдысты консулон фарстаты фæдыл консультацитæ Республикæ Хуссар Ирыстоны æмæ Уæрæсейы Федерацийы æттагонполитикон уагдæтты ‘хсæн.
Хуссарирыстойнаг делегацийы сæргъ лæууыдис Республикæ Хуссар Ирыстоны Фæсарæйнаг хъуыддæгты министрады Консулон управленийы хистæр Дзæгъиаты А.Х., уæрæсейаг делегацийы сæргъ та – Уæрæсейы Федерацийы Фæсарæйнаг хъуыддæгты Консулон департаменты директоры хæдивæг А.Е. Фролов.
Дыууæ бæстæйы æмбæстæгты бартæ æмæ интерестæ хъахъхъæнынмæ хауæг уæрæх спектры фарстатæ хынцгæйæ, уынаффæ кæныны хайад райстой Уæрæсейы Федерацийы профилон министрады æмæ уагдæтты минæвæрттæ.
Сæрмагонд хъусдард здæхт æрцыдис дывæрсыгон æмкуысткæнынады барадон базæйы æрцæугæ ивындзинæдтæм, кæцытæ ‘рцыдысты 2015 азы 30 июлы йæ тыхы чи бацыдис, Республикæ Хуссар Ирыстон æмæ Уæрæсейы Федерацийы ‘хсæн æмцæдисад æмæ интеграцийы фæдыл, уыцы Бадзырды фæстиуæгæн.
Фæрстæ, кæрæдзийæн сæ хъуыдытæ зæгъгæйæ, сразы сты, æнæмæнгхъæуæг чи сты, уыцы консулон конвенцийы дывæрсыгон фарстаты хатдзæгтыл бакусыныл æмæ дарддæр дæр фæдфæдылон æгъдауæй консулон конвенцийы фарстатыл æмгуысткæнынадыл.
Консультацитæ ацыдысты конструктивонæй, хъуыддагон æмæ хæларадон уавæрты.
Цхинвал, 2015 азы 12 август