14 июлы Республикæ Хуссар Ирыстоны бæрæгбон кодтой Фидауынгæнджыты бон. Растдæр ацы бон 1992 азы гуырдзиаг-ирон конфликты зонæмæ баконд æрцыдысты Сабырадæн ахъазгæнæн æмхæццæ тыхтæ (САÆТ). Фидауынгæнæг тыхтæ 16 азы дæргъы регионы фидыдад æмæ сабырдзинадæн уыдысты иунæг-иу гарант æмæ æппæты раздæр сæхимæ райстой 2008 азы августы гуырдзиаг æфсады цæфтæ. Хъайтарты сгуыхтдзинад кæддæриддæр баззайдзæнис Хуссар Ирыстоны адæмы зондахасты æмæ зæрдæты.
Республикæ Хуссар Ирыстоны Фæсарæйнаг хъуыддæгты министр Цхуырбаты К.И. хайад райста æмæ дидинджытæ сæвæрдта 2008 азы уæрæсейаг фидауынгæнæг тыхты сыгъд æмæ пырхгонд казармайы къулы цур, сæрныллæгæй кæмæн куывæуы, Уæрæсейы уыцы хъайтар майор Денес Ветчиновы цыртыл, афтæ ма ноджыдæр уым чи фæмард, уыцы фидауынгæнджыты цыртыл, кæцы ис УФ ÆФС РХИ-ы арæнгæрон управленийы территорийыл.
Цхинвал, 2015 азы 14 июль