2014 азы 26-30 ноябры Стамбулы уагъд цыдис аивады Æхсæнадæмон фестиваль «Ирыстоны культурæйы бонтæ Турчы», кæцыйы Уæрæсейы культурæйы министрады фарсхæцынадæй сорганизаци кодта РЦИ-Аланийы культурæйы министрад, Стамбулы ирон æхсæнад «Алан»-ы хайадистæй. Ацы æхсæнады сырæзтыл ацы аз сæххæст 25 азы.
Бæрæгбонон мадзæлттæм хуынд æрцыдысты Республикæ Хуссар Ирыстоны делегаци РХИ Фæсарæйнаг хъуыддæгты министр Санахъоты Д.Г. æмæ РХИ Президенты Администрацийы къухдариуæггæнæджы фыццаг хæдивæг Пухаты К.П., афтæ ма РЦИ-Аланийы делегаци РЦИ-Аланийы Парламенты сæрдары хæдивæг Токъаты Л.Х. æмæ РЦИ-Аланийы культурæйы министр Хæбæлаты Ф.С. сæргълæудæй.
Цытджын æмбырды Пухаты К.П. РХИ Президенты номæй бакастис арфæйы адрес, кæцыйыл зæрдиагæй фембæлдысты фестивалы уазджытæ. Афтæ ма сæ аивад æвдыстой ирон эстрадайы коллективтæ æмæ стъалытæ – ирон эстрадæ æмæ операйы номдзыд коллективтæ, ахæмтæ, куыд хæлардзинады ордены, адæмон кафты Паддзахадон Академион ансамбль «Алан» Уæрæсейы Федерацийы сгуыхт артист Кубалты Эльбрусы къухдариуæгадæй, Республикæ Хуссар Ирыстоны æмæ РЦИ-Аланийы оперæйон зарæггæнæг Амага Готти. Зынгæ дизайнер Годжыцаты Изольдайы равдысты уыдысты Кавказы адæмон дарæсы ног коллекци, афтæ ма организацигонд æрцыдис адæмон амалиуæгады дæсныты куыстыты равдыст.
Фембæлды фæлгæтты Хуссар Ирыстоны делегаци фембæлдис, Стамбулмæ Турчы æндæр æмæ æндæр горæдтæй чи ‘рцыдысты, ирон æхсæнады уыцы минæвæрттимæ. Фембæлдтыты рæстæджы æркастæуыдис, Турчы чи цæрынц, уыцы æмфыдыбæстæйæгтимæ хæлардзинад æмæ культурон бастдзинæдтæ дарддæр дæр фидар рæзын кæныны фарстатæм, гастролон архайд æмæ Турчы сфæлдыстадон коллективты кæрæдзимæ алыгъуызон культурон мадзæлтты хайад исыны, афтæ ма алыгъуызон тымбыл фынгтæ æмæ конференциты уадзыны гæнæнты тыххæй фарстытæм.
Цхинвал, 2014 азы 4 декабрь