Archive

Фæскавказы æдасдзинад æмæ стабилондзинады фæдыл Женевæйы дунеон дискусситы 28-æм раунды тыххæй

2014 азы 17-18 июны уагъд цыдис Фæскавказы æдасдзинады æмæ стабилондзинады фæдыл Женевæйы Дунеон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ минæвæрттæ, афтæ ма ЕЦ, БНО æмæ ЕЦÆО организациты минæвæрттæ.

Хуссарирыстойнаг делегацийы сæргъ лæууыдис фæсконфликтон ситуаци æрбæстон кæныны фарстаты фæдыл Президенты æххæстбарджын Минæвар Джиоты М.К.

Цалдæр азы фæд-фæдыл БНО Генералон Ассамблея исы, Гуырдзыстон кæй бавдисы Абхазæй æмæ Хуссар Ирыстонæй лигъдонты æмæ иу ранæй иннæ ранмæ чи ацыдис цæрынмæ, уыдон фæдыл резолюцийы проект. Азæй-азмæ фæлхатцæуæг документы тексты Гуырдзыстон фæлвары æмæ сзыгъуыммæгондæй фенын кæны æмæ бафидар кæны йæ æнæлегитимон территориалон даутæ.

30 майы кæрæдзиимæ телефонæй ныхас кодтой Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Давид æмæ Абхазы Республикæйы Фæсарæйнаг хъуыддæгты министр Вячеслав Чирикба.

Санахъоты Давид йæ раныхасы банысан кодта, зæгъгæ, Хуссар Ирыстоны сæ хъус лæмбынæгæй дарынц сæ хæлар Абхазы ситуаци куыд цæуы, уымæ. Уый ныфсдзинад загъта, зæгъгæ, абхазаг адæммæ цы стыр политикон куырыхондзинад ис, уый ратдзæн фадат хъуыддæгты цыд конституцион фæдæздæхтыл кæй акæндзысты æмæ кризис та скъуыддзаггонд кæй æрцæудзæнис политикон баныхæсты фæрцы сабыр амалæй.

2014 азы 8 августы Хуссар Ирыстоны уагъд æрцыдысты Парламенты депутаты æвзæрстытæ. Хъæлæс дæттыны хайад райстой, иумиагæй сисгæйæ, регистрациæрцæуæг æвзарджыты 60%-æй фылдæрæй, кæцытæн уыдис æвзæрстыты цы фараст политикон партийы истой хайад, уыдонæй сæ кæмæн фæндыдис, уымæн йæ хъæлæс сæрибарæй радтыны фадат. 12 бæстæйæ æрцæуæг дунеон цæстдарджытæ нæ бафиппайдтой бæстæйы æвзæрстыты закъондзинад фехалыны иунæг цау дæр æмæ загътой, дзуапп кæй лæвæрдта æвзæрстыты уæлдæр стандарттæн, банысан кодтой, æвзæрстыты процедурæйы æппæт дæр нывыл кæй уыдис, йæ æргомдзинад æмæ демократондзинад.

Лигъдæтты фæдыл БНО ГА цы резолюци райста, уый фæдыл

2014 азы 5 июны БНО Генералон Ассамблея райста лигъдæтты фæдыл Гуырдзыстоны иницииргонд резолюции. Документ у, гуымир æгъдауæй зыгъуыммæгонд чи ‘рцыдис, проблемæ æххæстæй иуварсыг æмæ политизацигондæй æвдыст кæм цæуы, ахæм. Гуырдзыстон йе спонсортимæ уый хъары дунеон æмхæларадæн æмæ йæ нысан та, сæйраджыдæр у, цæмæй ма Гуырдзыстон ноджыдæр иу хатт зæгъа искæй территоримæ йæ претензиты тыххæй.

2014 азы 20 майы Хуссар Ирыстон нысан кæны Мысæн æмæ хъынцъымы бон, 1992 азы, Зары хъæуыл цы уæлæмхас фæндаг цæуы, ууыл Гуырдзыстоны экстремисттæ фехстой Хуссарирыстойнаг лигъдæтты колоннæйы. Лигъдæттæн сæ фылдæр хайуыдысты сывæлæттæ, сылгоймæгтæ æмæ зæрæдтæ. Амардысты дзы 11 азæй 72 азы онг кары 33 адæймаджы, 16 та дзы фесты цæфтæ.

3-4 июны Цхинвалы уыдис Паддзахад Эритреяйы делегаци, Фæсарæйнаг хъуыддæгты министр Осман Салехы сæргълæудæй.

Фæсарæйнаг хъуыддæгты министрады лæмбынæг ныхæсты рæстæджы дыууæ фарсы дæр æруынаффæ кодтой дывæрсыг ахастыты перспективæтыл, политикон диалогы рæзт æмæ алыгъуызон къабæзты æмкуысткæнынады потенциалы фæдыл.

Бадзырдтæ ацыдысты кæрæдзийыл æууæндыны æмæ конструктивон уавæрты.

Ныхæсты фæстæ дыууæ фарсы дæр дзуаппытæ радтой дзыллон информацийы фæрæзты минæвæртты фарстытæн.

Цхинвал, 2014 азы 4 июнь

Гуырдзыстоны делегаци БНО ГА лигъдæтты тыххæй резолюцийы проект æркæсынмæ кæй бахаста, уый фæдыл

Ацы аз 19 майы Гуырдзыстоны делегаци БНОГенералон Ассамблеймæ æхсæзæм хатт бахаста Хуссар Ирыстонæй æмæ Абхазæй лигъдæтты æмæ рæстæгмæ иу ранæй иннæ ранмæ чи ацыдис, уыдон тыххæй резолюцийы проект. Уыцы резолюцийыл хъæлæс аппарын фæнд кæнынц июны фыццаг декадайы.

Адæймаджы бартæ хъахъхъæныны фæдыл БНО уæлдæр къамиссар æхсин Нави Пиллэй, Гуырдзыстоны визиты уæвгæйæ, цы къорд хъусынгæнинаджы сарæзта Хуссар Ирыстоны ситуацийы фæдыл, уыдонæн бынтондæр ницы иудзинад ис хъуыддаджы реалон уавæримæ. Уæлдæр банысангонд къамиссары ныхасмæ гæсгæ, Хуссар Ирыстон ссис «сау афтид бынат» æмæ «зæххыл иууыл зындæр бафтæн кæдæм у, ахæм бынат, цæрыны фадæттæ дзы æппынæдзух кæнынц æвзæрæй-æвзæрдæр».

Республикæ Хуссар Ирыстоны Фæсарæйнаг хъуыддæгты министрад хъусын кæны Уæрæсейы Фæсарæйнаг хъуыддæгты министрады ДАМПИ(У) нысанон бынæттæм конкурсон равзæрстыты хайадисджытæй куырдиæттæ исыны ‘мгъуыд кæй фæуд кæны 2014 азы 23 майы.

Аныхас кæныны æмæ бацæуыны экзаментæй конд чи у, уыцы конкурсон фæлварæнтæ уагъд æрцæудзысты 2014 азы 11-12 июны.

Уæлæмхас зонæнтæ райсыны тыххæй бацæуын хъæуы Республикæ Хуссар Ирыстоны Фæсарæйнаг хъуыддæгты министрадмæ ахæм адресыл: Сталины уынг, 18, Хицауады хæдзар, 3-æм æттæгуæлæ, тел.: 45-22-43.

Цхинвал, 2014 азы 13 май

2014 азы 14 майы Республикæ Хуссар Ирыстоны кусæгон визитимæ уыдысты Фæскавказы æдасдзинады фæдыл Женевæйы дискусситы æмсæрдæрттæ. Делегаци Цхинвалыфембæлдис Хуссар Ирыстонæй Женевæйы дискусситы хайадисджытимæ фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К. сæргълæудæй.

Ныхас кæныны рæстæджы уынаффæ цыдис, 2014 азы 17-18 июны чи хъуамæ уа, Женевæйы дискусситы уыцы радон 28-æм раундмæ бацæттæ кæныны фарстатыл.

5 майы Фæсарæйнаг хъуыддæгты министры хæстæ æххæстгæнæг Санахъоты Д.Г. йæхимæ райста Боливарианаг Республикæ Венесуэлайы Уæлвæткон æмæ Æххæстбарджын Минæвар Хуан Висенте Паредес Торреальбайы.

Фембæлды рæстæджы Минæвар Министры хæстæ æххæстгæнæгмæ радта æууæнчы грамотаты халдихтæ. Санахъоты Давид Хуан Висентейæн раарфæ кодта, ахæм бæрзонд бынаты йæ кæй снысан кодтой, уый цытæн, загъта йын æнтысджын куысты фæндиæгтæ æмæ ныфс бавæрдта Республикæ Венесуэлайы ‘хсæн æхсæнпаддзахадон ахастытæ рæзын кæныны сæраппонд активон куыст кæй кæндзысты, уый тыххæй.