Сообщения МИД РЮО

Майрæмты мæйы 7-8 бонты Республикæ Хуссар Ирыстоны цæуынц Хуссар Ирыстоны ныхмæ Гуырдзыстоны хæстон агрессийæ æхсæрдæс азы рацыды охыл мысæн мадзæлттæ.

Майрæмты мæйы 7-æм бон ацыд къамты равдыст «08.08.08 – 08.08.24», афтæмæй ма Хетæгкаты Къостайы номыл Паддзахадон драмон театры 1920 азы ирæтты геноциды фæдыл спектакль «Фæстаг æвдисæн». Уый фæстæ мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы акцийы хайадисджытæ сæвæрдтой дидинтæ мемориалмæ æмæ фæмардуæвджыты рухс номыл ссыгътой цырæгътæ.

Æхсæрдæс азы размæ, 2008 азы майрæмты мæйы 8-æм боны æхсæв, гуырдзиаг гæрзифтонг тыхтæ «коллективон Ныгуылæны» æххуысæй æрбабырстой фынæй Цхинвалмæ. Фыццаг цæф сæхимæ райстой Хуссар Ирыстоны хæдæфсæддонтæ. Æхсæнадæмон мандаты хъахъхъæнынадмæ нæкæсгæйæ, атакæгонд æрцыдысты уæрæсейаг фидауынгæнджытæ дæр.

Цхинвалы хъахъхъæнджыты æмæ уæрæсейаг æфсады хъæбатырдзинады фæрцы гуырдзиаг æфсæдтæн нæ бантыстис сæ тугæйдзаг операци «Сыгъдæг быдыр» сæххæст кæнын.

Майрæмты мæйы 6-æм бон РХИ-йы Информаци æмæ мыхуыры комитеты ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары пресс-конференци.

Пресс-конференцийы сæйраг темæ уыд Республикæ Наурумæ кусæгон балц, цыран хуссарирыстойнаг делегаци хайад райста Сандинистон революцийы уæлахизæй 45 азы рацыды охыл цытджын мадзæлтты.

Афтæмæй ма Джиоты Æхсар радзырдта балцы фæлгæтты Никарагуайы хицауадимæ фембæлдтыты фæдыл, цыран æрдзырдæуыд дывæрсон æмгуыстады дарддæры размæдзыд æмæ райрæзтыл.

Майрæмты мæйы 2-æм бон Республикæ Хуссар Ирыстоны Президент Гаглойты Алан фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ.

ФХъМ-йы сæрдар радзырдта Президентæн Республикæ
Никарагуамæ балцы хатдзæгты фæдыл, цыран хуссарирыстойнаг делегаци хайад райста Сандинистон Революцийы Уæлахизæй 45 азы рацыды фæдыл цытджын мадзæлтты.

Сусæны мæйы 21-æм бон Манагуайы

Республикæ Хуссар Ирыстон æмæ Сириаг Араббаг Республикæйы ‘хсæн дипломатон ахастытæ сфидар кæнынæй æхсæз азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæджытæ Сириаг Араббаг Республикæйы Фæсарæйнаг хъуыддæгтæ æмæ эмигрантты хъуыддæгты фæдыл министр цытджын Фейсал Аль-Микдадмæ æмæ Сириаг Араббаг Республикæйы Уæлвæткон æмæ Æххæстбарджын Минæвар Уæрæсейы Федерацийы цытджын Башар Аль-Джаафаримæ. 

Сусæны мæйы 20-æм бон Никарагуамæ балцы фæлгæтты Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Республикæ Никарагуайы Фæсарæйнаг хъуыддæгты министр Денис Монкада Колиндресимæ.

Фембæлды хайад райста Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим.

Сусæны мæйы 19-æм бон Республикæ Никарагуамæ балцы фæлгæтты Хуссар Ирыстоны Фæсарæйнаг хъуыддæгты министр Джиоты Æхсар æмæ Хуссар Ирыстоны Уæлвæткон æмæ Æххæстбарджын Минæвар Никарагуайы Козаты Нарим хайад райстой Сандинистон революцийы фæуæлахизæй 45 азы рацыды цытæн мадзæлтты. Сæйраг мадзал ацыд Parque de la Dignidad Nacional фæзуаты Манагуайы бæстастæу.

Сусæны мæйы 17-æм бон Республикæ Хуссар Ирыстоны делегаци Республикæ Хуссар Ирыстоны Фæсарæйнаг хъуыддæгты министр Джиоты Æхсары сæргълæудæй кусæгон балцимæ ацыдысты Республикæ Никарагуамæ, цæмæй хайад райсой Сандинистон революцийæ 45 азы рацыды охыл цытджын мадзæлтты. 

Делегацийы сконды Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим. 

Манагуамæ балцы фæлгæтты уæрæсейаг дипминæварады сæрдары резиденцийы ацыд фембæлд Уæрæсейы Федерацийы Уæлвæткон æмæ Æххæстбарджын Минæвар Никарагуайы Александр Хохоликовимæ. 

Сусæны мæйы 15-æм бон Республикæ Никарагуамæ балцы фæлгæтты Республикæ Хуссар Ирыстоны Фæсарæйнаг хъуыддæгты министр Джиоты Æхсар æрцыд Каракасмæ, цæмæй хайад райса Сандинистон революцийы фæуæлахизæй 45 азы рацыды цытæн цытджын мадзæлтты. 

Æддагполитикон уагдоны сæргълæууæгыл аэропорты сæмбæлдысты Уæрæсейы Уæлвæткон æмæ Æххæстбарджын Минæвар Венесуэлæйы Сергей Мелик-Багдасаров æмæ Венесуэлæйы Фæсарæйнаг хъуыддæгты министрады минæвæрттæ.

Балцы Министримæ ис Хуссар Ирыстоны Уæлвæткон æмæ Æххæстбарджын Минæвар Никарагуа æмæ Венесуэлæйы Козаты Нарим. 

Абон Хуссар Ирыстоны цæуынц Фидауынгæнæджы боны цытæн мадзæлттæ.

32 азы размæ, 1992 азы сусæны мæйы 14-æм бон, Уæрæсе, Гуырдзыстон, Цæгат æмæ Хуссар Ирыстоны сæргълæуджыты къухæй бафыстгонд гуырдзиаг-ирон конфликт æрбæстон кæныны сæйраг принципты фæдыл Фидыдыл бындуриуæггæнгæйæ, Республикæ Хуссар Ирыстоны территоримæ конд æрцыдысты Сабырад бавæрыны æмхæццæ тыхтæ.

Хуссар Ирыстоны фидауынгæнæджы куыст нымад æрцыд дæнцæгыл, фæлæ 2008 азы майрæмты мæйы уæрæсейаг фидауынгæнджыты гуырдзиаг «коллегæтæ» чъылдымæй куы райдыдтой æхсын, уæд дзы фæхъуыд бирæ нымæц адæймаджы. 

2024 азы хурхæтæны мæйы 25-26 бонты Женевæйы ацыд Фæскавказы стабилондзинад æмæ æдасдзинады фæдыл Æхсæнадæмон дискусситы 61-æм раунд. Дискусситæ цæуынц Медведев æмæ Саркозийы 2008 азы майрæмты мæйы 12-æм æмæ рухæны мæйы 8-æм бонты бадзырдадтæм гæсгæ.