Сообщения МИД РЮО

Archive
Встреча А.М. Джиоева и Д.Ф. Мезенцева

Цыппурсы мæйы 15-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Уæрæсе æмæ Беларусы Цæдисон паддзахады Паддзахадон секретарь Дмитрий Мезенцевы фембæлд.

Æддагполитикон уагдоны сæрдар фехъусын кодта Цæдисон паддзахады Паддзахадон секретарæн Республикæ Хуссар Ирыстоны Парламенты делегацийы æввахс рæстæджы æрцыд Беларусь æмæ Уæрæсейы Парламентон æмбырдмæ, кæцыйæн ис цæстдарæджы статус.

Празднование 79-й годовщины установления дипломатических отношений между Никарагуа и Россией

Цыппурсы мæйы 13-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта Республикæ Никарагуа æмæ Уæрæсейы Федерацийы ‘хсæн дипломатон ахастытæ сфидар кæнынæй 79 азы рацыды цытæн бæрæгбонон мадзал, кæцы ацыд Мæскуыйы. 

Мадзалы фæлгæтты ацыд Министры фембæлд Республикæ Никарагуайы Президенты Уынаффæгæнæг инвестицитæ, базарад æмæ æхсæнадæмон æмгуыстады фарстыты фæдыл Лауреано Ортега Мурильоимæ.

Церемония вручения литературной премии «Булæмæргъ»

Цыппурсы мæйы 13-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста литературон преми «Булæмæргъ» дæттыны церемонийы, кæцы цыд Мæскуыйы.

Джиоты Æхсар Республикæ Хуссар Ирыстоны Президент Гаглойты Аланы номæй раарфæ кодта церемонийы хайадисджытæ æмæ уазджытæн. 

Преми «Булæмæргъ» сфидар кодта 2016 азы Республикæ Хуссар Ирыстоны Минæварад Уæрæсейы Федерацийы, æмæ йæ сæйрагдæр нысан у ирон æвзаг парахат кæнын. 2020 азы премийы Совет бакодта уырыссаг æвзагыл чи фыссы, уыцы автортæн номинаци.

Предновогодний прием в Московском концертном зале «Зарядье»

Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ РХИ-йы Уæлвæткон æмæ Æххæстбарджын Минæвар УФ-йы Гасситы Знауыр Мæскуыйы мэр Сергей Собянины хуындæй хайад райстой Ног азы размæ райсты, кæцы ацыд Мæскуыйы концертон зал «Зарядье»-йы.

Мадзалы уыдысты Уæрæсейы Федерацийы хицауады æмæ æндæр официалон минæвæрттæ, дипломатон корпус.

Цхинвал, 2023 азы цыппурсы мæйы 12-æм бон 

 

Исса Плиев

Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар Мæскуымæ кусæгон балцы рæстæджы хайад райста ирон адæмы хуыздæр минæвæрттæй иу, æфсады инæлар, дыууæ хатты Советон Цæдисы Хъайтар Плиты Иссæйы райгуырдæй 120 азы рацыды фæдыл цытджын мадзалы, кæцы ацыд 1941-1945 азты стыр Фыдыбæстæйон хæсты Централон музейы «Кады залы».

Мадзал уагъд æрцыд Дзанайты Азанбекы номыл Культурæйы хæрзаудæн фонды сæргълæууæг Дзанайты Зауыры хъæппæрисæй æмæ ацыд ирон адæмы культурон-историон традицитæ парахат кæныны фæлгæтты.

Дипломатическая академия МИД России

Цыппурсы мæйы 4-8 бонты Республикæ Хуссар Ирыстоны Фæсарæйнаг хъуыддæгты министрады кусджытæ Уæрæсейы Фæсарæйнаг хъуыддæгты министрады (ФХъМ) Дипломатон академийы рацыдысты квалификаци фæуæлдæр кæныны фæдыл курсытæ.

«ФХъМ-йы пресс-службæйы организаци», зæгъгæ, ахæм курсытæ фæсарæйнаг дипломаттæн уагъд æрцыдысты фыццаг хатт æмæ сæ бацæттæ кодтой Уæрæсейы ФХъМ-йы Информаци æмæ мыхуыры департаментимæ иумæ.

Лекцитæ кастысты æрбахонгæ эксперттæ æмæ Фæсарæйнаг хъуыддæгты министрады кусджытæ, афтæмæй ма Дипломатон академийы профессортæ æмæ лектортæ.

XVI Региональная конференция российских соотечественников стран Европы

Цыппурсы мæйы 9-10 бонты Белграды ацыд Европæйы бæстæты уæрæсейаг æмбæстæгты XVI Регионалон конференци «Историческая память, русский язык и культура – основы идентичности российской диаспоры в странах Европы».

Конференцийы сæргълæууæг æмæ амонæг, куыд Европæйы Регионалон координацион советы (РКС) Сæргълæууæг, уыд Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Бенилюксы бæстæты Пухаты Радион.

2023 азы цыппурсы мæйы 5-6 бонты Женевæйы ацыд Фæскавказы æдасдзинады фæдыл æхсæнадæмон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы, Европæйы Æдасдзинад æмæ æмгуыстады фæдыл организацийы минæвæрттæ. Хуссарирыстойнаг делегацийы сæргъ лæууыд Коцты Константин.

Фембæлды хайадисджытæ загътой сæ иумæйаг хъуыды Женевæйы дискусситы ахсджиагдзинады фæдыл æмæ банысан кодтой, ахъаз кæй сты регионалон æдасдзинадæн.

День Мужества и Народного Единства

Джеоргуыбайы мæйы 23-æм бон Æхсардзинад æмæ Адæмон Иудзинады боны ацыд Фыдыбæстæ хъахъхъæнджыты Мемориалон комплексмæ Кады æмæ Мысæн дидинтæ сæвæрыны церемони, горæт Цхинвалмæ æрбахизæны Присы къуылдымыл ацыд сæ риуы æмбæрц цы лæппутæ слæууыдысты æмæ бахъахъхъæдтой Фыдыбæстæ, уыдон мысæн митинг.

Афтæмæй ма ацы бон Республикæйы аргъуанты ацыдысты службæтæ, ХИПУ-йы студенттæ, скъолаты ахуырдзаутæ, Республикæйы æхсæнад скад кæныны охыл тырысатимæ ссыдысты Присы къуылдыммæ.

МИД Южной Осетии

Джеоргуыбайы мæйы 23-æм бон рацыд 34 азы хуссарирыстойнаг адæмы сæ сæрибар, сæ зæххыл цæрыны бартыл тох кæнынæй. Нæ Фыдыбæстæйы ног историйы ацы бон у вазыгджын æмæ нысан кæны æвæджиау хæддыхдзинад æмæ адæмы иудзинад.    

Ацы бон 1989 азы мингай гуырдзиаг националисттæ гæрзифтонгæй æрбацыдысты Цхинвалмæ нæбасæтгæ ирæттæн «зонд бацамоныны» фæндимæ. Фæлæ сæ фæндтæ сæ къухты нæ бафтыдысты. Ирон адæм æрбаиу сты æмæ сын сæ фæндаг æрæхгæдтой. Уый уыд национ иудзинады æвдисæн.

Встреча Патрика Поппеля в ЮОГУ им. А.А. Тибилова

Кæфты мæйы 27-æм бон Республикæ Хуссар Ирыстоны Фæсарæйнаг хъуыддæгты министрады Официалон Минæвар Австриаг Республикæйы Патрик Поппель бабæрæг кодта Тыбылты Алыксандыры номыл Хуссар Ирыстоны Паддзахадон университет, цыран политологи æмæ социологийы кафедрæйы ахуыргæнджытæ æмæ студенттæн бакаст лекци ахæм темæйыл: «Адæмон дипломати куыд нырыккон æхсæнадæмон политикæйы ахсджиаг иуæг».

П. Поппель радзырдта адæмон дипломатийы хицæндзинæдты фæдыл, куыд æхсæнадæмон конфликттæ сабырæй æрбæстон кæныны иуæг, кæцы ахсы ахсджиаг бынат нырыккон æхсæнадæмон ахастыты.

Встреча Ахсара Джиоева с Патриком Поппелем

Кæфты мæйы 27-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны Фæсарæйнаг хъуыддæгты министрады Официалон Минæвар Австриаг Республикæйы Патрик Поппелы.

Фембæлды рæстæджы нысан æрцыд ахастытæ дарддæр кæныны æмæ алыхуызон фадгуыты æмархайд уæрæх кæныны ахсджиагдзинад, афтæмæй ма æрдзырдæуыд ахуырадон проектты реализацийы фæдыл.

Цхинвал, 2023 азы кæфты мæйы 27-æм бон