Майрæмты мæйы æхсæзæм бон киевы режим сарæзта Курскы облæсты террористон атакæ, Украинæйы гæрзифтонг тыхтæ æрбабырстой, цæмæй бацахсой Суджаны районы территори.
Ацы фыдракæнд архайдтыты фæстиуæгæн ис адæймаджы зиæнттæ, се ‘хсæн цæрджытæ дæр, ныппырх сты бæстыхæйттæ.
Уæрæсейаг хæстонтæ УФ-йы Æдасдзинады федералон службæимæ иумæ иуварс кæнынц украинæйы хицæн гæрзифтонг арæзтадты Курскы облæсты территоримæ мидæмæ бахизыны фæлварæнтæ.
Майрæмты мæйы 8-æм бон, Гуырдзыстоны ‘рдыгæй Хуссар Ирыстоны ныхмæ хæстон агрессийæ æхсæрдæс азы рацыды охыл мысæн мадзæлттæ ацыдысты Хуссар Ирыстоны Фæсарæйнаг хъуыддæгты министрады фæсарæйнаг уагдæтты дæр.
Мæскуыйы Ирвæзынгæнæг Чырыстийы Аргъуаны ссардтой гуырдзиаг агрессийы рæстæджы фæмардуæвæг Хуссар Ирыстоны цæрджыты рухс нæмттæ, афтæмæй ма Цхинвалы хъахъхъæнджыты, ирон æмæ уæрæсейаг Фидауынгæнæг тыхты хæстонты, уæрæсейаг æфсады солдаттæ æмæ офицерты рухс нæмттæ, кæцытæ сæ царды аргъæй хъахъхъæдтой Хуссар Ирыстоны.
Майрæмты мæйы 7-8 бонты Республикæ Хуссар Ирыстоны цæуынц Хуссар Ирыстоны ныхмæ Гуырдзыстоны хæстон агрессийæ æхсæрдæс азы рацыды охыл мысæн мадзæлттæ.
Майрæмты мæйы 7-æм бон ацыд къамты равдыст «08.08.08 – 08.08.24», афтæмæй ма Хетæгкаты Къостайы номыл Паддзахадон драмон театры 1920 азы ирæтты геноциды фæдыл спектакль «Фæстаг æвдисæн». Уый фæстæ мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы акцийы хайадисджытæ сæвæрдтой дидинтæ мемориалмæ æмæ фæмардуæвджыты рухс номыл ссыгътой цырæгътæ.
Æхсæрдæс азы размæ, 2008 азы майрæмты мæйы 8-æм боны æхсæв, гуырдзиаг гæрзифтонг тыхтæ «коллективон Ныгуылæны» æххуысæй æрбабырстой фынæй Цхинвалмæ. Фыццаг цæф сæхимæ райстой Хуссар Ирыстоны хæдæфсæддонтæ. Æхсæнадæмон мандаты хъахъхъæнынадмæ нæкæсгæйæ, атакæгонд æрцыдысты уæрæсейаг фидауынгæнджытæ дæр.
Цхинвалы хъахъхъæнджыты æмæ уæрæсейаг æфсады хъæбатырдзинады фæрцы гуырдзиаг æфсæдтæн нæ бантыстис сæ тугæйдзаг операци «Сыгъдæг быдыр» сæххæст кæнын.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Сергей Шамбамæ Фæсарæйнаг хъуыддæгты министрæй снысан кæныны фæдыл.
Сæрмагондæй, арфæйы дзырдæуы:
«Ахæм ахсджиаг уынаффæ дзурæг у Абхазы адæм æмæ къухдариуæгады ‘рдыгæй стыр æууæнк æмæ кадыл.
Ныфс дарын, дæ профессионализм æмæ тырнындзинад ахъаз кæй уыдзысты дæуæн хорз зонгæ бæрнон фадыджы эффективон куыстæн, афтæмæй ма Хуссар Ирыстон æмæ Абхазы ‘хсæн æфсымæрон ахастытæ фидар æмæ уæрæх кæныны хъуыддаджы».
Майрæмты мæйы 6-æм бон РХИ-йы Информаци æмæ мыхуыры комитеты ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары пресс-конференци.
Пресс-конференцийы сæйраг темæ уыд Республикæ Наурумæ кусæгон балц, цыран хуссарирыстойнаг делегаци хайад райста Сандинистон революцийы уæлахизæй 45 азы рацыды охыл цытджын мадзæлтты.
Афтæмæй ма Джиоты Æхсар радзырдта балцы фæлгæтты Никарагуайы хицауадимæ фембæлдтыты фæдыл, цыран æрдзырдæуыд дывæрсон æмгуыстады дарддæры размæдзыд æмæ райрæзтыл.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ юбилейы цытæн.
Сæрмагондæй, арфæйы дзырдæуы:
«Де стыр профессионализм æмæ хисæрмагонд миниуджытæ нысан кæнгæйæ, фæнды мæ бахахх кæнын Уæрæсейы къухдариуæгады æддагполитикон курс реализаци кæныны, ныры зын уавæрты хуссарирыстойнаг-уæрæсейаг политикон æмæ дипломатон ахастыты размæдзыды хъуыддаджы дæ архайд.
Майрæмты мæйы 2-æм бон Республикæ Хуссар Ирыстоны Президент Гаглойты Алан фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ.
ФХъМ-йы сæрдар радзырдта Президентæн Республикæ
Никарагуамæ балцы хатдзæгты фæдыл, цыран хуссарирыстойнаг делегаци хайад райста Сандинистон Революцийы Уæлахизæй 45 азы рацыды фæдыл цытджын мадзæлтты.
Республикæ Хуссар Ирыстон æмæ Сириаг Араббаг Республикæйы ‘хсæн дипломатон ахастытæ сфидар кæнынæй æхсæз азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæджытæ Сириаг Араббаг Республикæйы Фæсарæйнаг хъуыддæгтæ æмæ эмигрантты хъуыддæгты фæдыл министр цытджын Фейсал Аль-Микдадмæ æмæ Сириаг Араббаг Республикæйы Уæлвæткон æмæ Æххæстбарджын Минæвар Уæрæсейы Федерацийы цытджын Башар Аль-Джаафаримæ.
Сусæны мæйы 20-æм бон Никарагуамæ балцы фæлгæтты Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Республикæ Никарагуайы Фæсарæйнаг хъуыддæгты министр Денис Монкада Колиндресимæ.
Фембæлды хайад райста Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим.
Сусæны мæйы 19-æм бон Республикæ Никарагуамæ балцы фæлгæтты Хуссар Ирыстоны Фæсарæйнаг хъуыддæгты министр Джиоты Æхсар æмæ Хуссар Ирыстоны Уæлвæткон æмæ Æххæстбарджын Минæвар Никарагуайы Козаты Нарим хайад райстой Сандинистон революцийы фæуæлахизæй 45 азы рацыды цытæн мадзæлтты. Сæйраг мадзал ацыд Parque de la Dignidad Nacional фæзуаты Манагуайы бæстастæу.
