Елбачиты Аланы Республикæ Хуссар Ирыстоны Абхазы Республикæйы Уæлрадон æмæ Æххæстбарджын Минæварæй снысан кæныны тыххæй
Республикæ Абхазы президент Александр Анквабы 30 январы Указæй Елбачиты Алан Мухарбеджы фырт нысан æрцыдис Республикæ Хуссар Ирыстоны Абхазы Республикæйы Уæлрадон æмæ Æххæстбарджын Минæварæй.
Цыбыр биографион зонæнтæ:
Елбачиты Алан Мухарбеджы фырт райгуырдис 1959 азы Сазалеты хъæуы Хуссар Ирыстоны Автономон областы.
1974 азы каст фæцис Дзауы астæуккаг скъола.
1977 азæй 1979 азмæ службæ кодта Советон Æфсады рæнхъыты.
1976 азæй 1984 азмæ ахуыр кодта æмæ каст фæцис зооинженерон факультет Хæххон хъæууонхæдзарадон институты (г.Дзæуджыхъæу).
1980 азæй 1983 азмæ куыста Дзауы районы хъæууон хæдзарады управленийы зоотехникæй.
1983 азæй 1984 азмæ куыста ФÆЛКЦ Дзауы РК фæскомцæдисон организациты хайады сæргълæууæгæй.
1984 азæй 2008 азмæ службæ кодта ССРЦ æмæ РХИ паддзахадон æдасдзинады органты.
2008 азæй 2012 азы маймæ уыдис РХИ Æттагон фæдæсгæрсты сæргълæууæг.
Æфсæддон чин-инæлар-лейтенант.
Хорзæхджын у РХИ, УФ, ПМР, РА паддзахадон хорзæхтæй.
Ис ын бинойнаг æмæ æртæ чызджы.