2013 азы 7-8 августы Республикæ Хуссар Ирыстоны уагъд æрцыдысты зæрдылдарæн мадзæлттæ Республикæ Хуссар Ирыстоны ныхмæ Гуырдзыстоны хотыхджын агрессийыл фондз азы сæххæсты боны цытæн.
7 августы 23 сахат æмæ 35 минутыл райдыдта хъынцымы акци «Зæрдылдарæн Удæгас Рухс» – растдæр уыцы афон, 2008 азы, августы, фынæй чи кодта, уыцы горæтыл сæмбæлдысты фыццаг артиллерион æхстытæ М. Саакашвили æмæ гуырдзиаг къухдариуæгады фыдракæндон æмæ æбæрндзинады уынаффæ йæ фæдыл расайдта тугæйдзаг акци, кæцыйы фæстиуæгæн мард фесты æмæ фæцæфтæ сты мингай æнæаххос адæймæгтæ, уыцы нымæцы – уæрæсейаг æмæ ирон фидауынгæнджытæй дæр. Чи фæмард, уыдон ном рымысыны сæраппонд Цхинвалы сыгъдæг Мадымайрæмы аргъуаны æххæст æрцыдис аргъуыд.
8 августы Республикæ Хуссар Ирыстоны Президент Тыбылты Леонид, Хицауад æмæ Парламенты уæнгтæ дидынджытæ сæвæрдтой Хуссар Ирыстоны хъахъхъæнджытæ, уыцы нымæцы Ирыстоны уæрæсейаг фидауынгæнджытæй гуырдзиаг агрессорты ныхмæ тохты кæм фæмардысты, уыцы бынæтты, дур æвæрд æрцыдис Мемориалон комплекс «Ирыстоны хъахъхъæнджытæн» кæм уыдзæнис, уыцы бынаты. Афтæ ма гом æрцыдис нывисæг Батраева Н. равдыст: «Ирыстон – мидæгæрдыгæй цæстæнгас». Равдыст æрцыдысты 2008 азы августы хæсты фæдыл фильмтæ дæр.
Мадзæлтты хайад райстой РХИ Фæсарæйнаг хъуыддæгты министрады минæвæрттæ.
Мысæн мадзæлттæ ма уагъд æрцыдысты Республикæ Хуссар Ирыстоны минæварадты Мæскуыйы, Сухумы æмæ Тирасполы дæр.
Цхинвал, 2013 азы 9 август