Кæфты мæйы 1-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар, Уæрæсейы Федерацийы Фæсарæйнаг хъуыддæгты министр Сергей Лавров æмæ Республикæ Абхазы Фæсарæйнаг хъуыддæгты министр Олег Барцицы æртæфарсон фембæлд.
Æртæфарсон фембæлды рæстæджы министртæ æрдзырдтой æхсæнадæмон æмæ регионалон фарстатыл, банысан кодтой Фæскавказы Æхсæнадæмон дискусситы иумæйаг архайды координацийы ахсджиагдзинад. Афтæмæй ма хъуыдытæ загъдæуыд уый фæдыл, цæмæй Цхинвал, Сухум æмæ Тбилисы 'хсæн уа комкоммæ диалог.
Ныхасы рæстæджы æддагполитикон уагдæтты сæрдæрттæ стыр аргъ скодтой хæларадон ахастыты ныры уавæрæн, æмæ равдыстой сæ цæттæдзинад æмцæдисон ахастыты дарддæры размæдзыдмæ.
2026 азы кæфты мæйы 1-æм бон