Рухæны мæйы 13-15 бонты Екатеринбурджы Фæсивæды глобалон форумы фæлгæтты ацыд Æвзонг дипломатты IX Глобалон форум (ÆДГФ). Мадзалы хайад истой Республикæ Хуссар Ирыстоны Фæсарæйнаг хъуыддæгты министрады кусджытæ – РХИ-йы ФХъМ-йы Æвзонг дипломатты советы Сæрдар Гаглойты Иосиф æмæ РХИ-йы ФХъМ-йы ÆДС-йы Президиумы уæнг Дзахойты Вадим.
Æвзонг дипломатты IX Глобалон форум байгом кæныны церемони ацыд рухæны мæйы 13-æм бон Екатеринбург-ЭКСПО-йы. Церемонийы рæстæджы раныхас кодтой спикертæ, се ‘хсæн УФ-йы ФХъМ-йы ÆДС-йы Сæрдар Е. Акопян, афтæмæй ма цытджын спикертæ – Уæрæсейы Федерацийы Паддзахадон Думæйы Федералон Æмбырды æхсæнадæмон хъуыддæгты фæдыл Комитеты сæргълæууæг Леонид Слуцкий, Мæскуыйы уæвæг ИНО-йы Информацион центры Директор, Уæрæсейы ИНО-йы Командæйы Сæрдар Владимир Кузнецов, Россотрудничествойы Къухдариуæггæнæджы хæдивæг Константин Колпаков, АНО «Центр международного взаимодействия и сотрудничества»-йы Къухдариуæггæнæг, Уæрæсейы Федерацийы Æхсæнадæмон палатæйы уæнг Арег Агасарян. Сæ раныхасы спикертæ банысан кодтой, æддагполитикон уагдæтты æвзонг кусджытæн кæй ис ахсджиаг бынат дунеон системæйы ивынады. К. Колпаков та рахицæн кодта ÆДГФ-йы ахсджиагдзинад куыд профессионалон диалог æмæ æхсæнадæмон бастдзинадты размæдзыды фæзуат.
Форумы сæйраг темæ ссис «Дипломатия нового поколения: роль молодежи в совершенствовании системы глобального управления». ÆДГФ-йы ацыд цалдæр кусæгон сесси, кæцыты рæстæджы сæ хайадисджытæ æрдзырдтой нырыккон æхсæнадæмон ахастыты размæдзыды ахсджиагдæр здæхтытыл, се ‘хсæн бирæполярон дунейы арæзтад, афтæмæй ма раззагондæр технологиты æндæвдады бын æхсæнадæмон ахастыты ивындзинад.
Уралы Федералон Университеты ацыд ÆДГФ-йы хайадисджыты фембæлд студенттимæ. Фембæлды фæлгæтты РХИ-йы ФХъМ-йы ÆДС-йы Сæрдар Гаглойты И. радзырдта студенттæ æмæ коллегæтæн Советы архайды фæдыл æмæ бахахх кодта ÆДС-йы форматы ахсджиагдзинад.
Фæсивæды æхсæнадæмон фестивалы, кæцыйы фæлгæтты цыд Æвзонг дипломатты IX Глобалон форум, уыд дискусси «Лидерство в многополярном мире», ауагътой йæ УФ-йы ФХъМ-йы ÆАМПИ æмæ Уæрæсейаг æхсæнад «Знание». Дискуссийы хайад райста УФ-йы ФХъМ-йы официалон минæвар Мария Захарова; йæ раныхасы сдзуапп кодта æрæмбырдуæвджыты фарстатыл, кæцытæ баст уыдысты ныры уавæрты партнертæ ссарын æмæ бæстæты 'хсæн бастдзинæдтæ сфидар кæныны хъуыддаджы студенттæ æмæ æвзонг специалистты хайбавæрдимæ.
Æвзонг дипломатты IX Глобалон форумы фæстиуæгæн ист æрцыд документ.
Рухæны мæйы 16-æм бон ацыд УФ-йы ФХъМ-йы ÆАМПИ æмæ Уæрæсейаг æхсæнад «Знание»-йы 'рдыгæй арæзт сесси ахæм темæйыл, куыд «Новая архитектура мира: открытый диалог с С.В. Лавровым», кæцыйы рæстæджы УФ-йы Фæсарæйнаг хъуыддæгты министр Сергей Лавров банысан кодта алыхуызон бæстæты æвзонг дипломаттæ æмæ специалистты потенциалон хайбавæрд бирæполярон дунейы арæзтады хъуыддагмæ. Лавров ма хайад райста Фæсивæды æхсæнадæмон фестиваль сæхгæныны церемонийы, цыран банысан кодта, мадзал ахъаз кæй у дунейы алыхуызон регионты фæсивæды æмархайдæн.
Сæрмагондæй, йæ раныхасы Сергей Лавров банысан кодта:
«Фидарæй мæ уырны, ам сæвзæргæ хæларады бастдзинæдтæ уемæ кæй уыдзысты уæ дарддæры куысты дæр æмæ кæй хъахъхъæндзыстут иумæйаг интерестæ, кæцытæ иу кæнынц æппæт дунейы æвзонг адæмы: стабилондзинадмæ тырнынад, æнтыст, бинонтæ скæныны æмæ хорз хъуыддæгтæ аразыны фæнд».
2026 азы рухæны мæйы 17-æм бон