Хуссар Ирыстон æмæ Уæрæсейы Федерацийы ‘хсæн дипломатон ахастытæ сфидар кæныны бонæй 17 азы рацыды фæдыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«2008 азы рухæны мæйы 9-æм бонæй райдыдта дывæрсон ахастыты ног рæстæг, кæцы дзаг у æмгуыстад æмæ æууæнкдзинадæй. Хуссар Ирыстон æмæ Уæрæсейы 'хсæн дипломатон ахастыты сфидар кæнынад ахъаз уыд нæ паддзахадты 'хсæн æмархайд ног стратегион æмвæзадмæ ракæнынæн. Бындур æрæвæрдæуыд интеграци æмæ æппæтварсон æмгуыстадæн.
Цытджын Сергей Викторы фырт, Хуссар Ирыстоны стыр аргъ кæнынц нæ бæстæты 'хсæн сфидаргонд политикон диалогæн. Бузныг дзурæм дæуæн æмæ Уæрæсейы æддагполитикон уагдонæн ахсджиаг æхсæнадæмон фарстаты нæ фарсмæ кæй стут, уый фæдыл».
Хуссар Ирыстон æмæ Уæрæсейы Федерацийы ‘хсæн дипломатон ахастытæ сфидар кæнынæй 17 азы рацыды фæдыл Республикæ Хуссар Ирыстоны Фæсарæйнаг хъуыддæгты министрад ма арвыста арфæйы фыстæг Республикæ Хуссар Ирыстоны уæвæг Уæрæсейы Федерацийы Минæварадмæ.