Сусæны мæйы 18-æм бон Мæскуыйы уæвæг Республикæ Никарагуайы Минæварады ацыд Сандинистон Адæмон революцийы Фæуæлахизæй 46 азы рацыды фæдыл цытджын мадзал.
Мадзалы уазджытæ систы УФ-йы аккредитацигонд дипломатон корпус, УФ-йы ПД-йы депутаттæ, Уæрæсейы ФХъМ-йы, Уæрæсейы хицауады, æхсæнадæмон организациты минæвæрттæ.
РХИ-йы Президент Гаглойты Аланы номæй арфæйы ныхæстæ загъта РХИ-йы Фæсарæйнаг хъуыддæгты министр Джиоты Æхсар, кæцы банысан кодта, Хуссар Ирыстоны адæм бузныг кæй сты Никарагуайы Президент команданте Даниэль Ортега æмæ Сопрезидент Росарио Мурильойæ, Никарагуайы æппæт адæмæй зын рæстæджы æххуысы къух кæй фæдаргъ кодтой, афтæмæй ма æппæтварсон æххуыс æмæ конструктивон æмархайды фæдыл.
Мадзалы культурон хайы никарагуайаг студенттæ – уæрæсейаг уæлдæр ахуыргæнæндæтты ахуырдзаутæ сценæйыл сæххæст кодтой латиноамерикаг истори æмæ культурæ æвдисæг кафджытæ æмæ зарджытæ. Афтæмæй ма æвдыст æрцыд Никарагуайы национ гастрономион культурæ.
РХИ-йы Минæвар УФ-йы Гасситы Знауыр æмæ Хуссар Ирыстоны базарадон минæвар Гогинов Таймуразы æххуысæй уазджыты рæгъмæ рахастæуыд ирон национ хæринæгтæ.
Мадзалы ма хайад райста Хуссар Ирыстоны Уæлвæткон æмæ Æххæстбарджын Минæвар Никарагуайы Козаты Нарим.
2025 азы сусæны мæйы 18-æм бон