Хуссар Ирыстон æмæ Сирийы 'хсæн дипломатон ахастытæ сфидар кæнын æмæ кæрæдзийы банымадæй авд азы рацыды цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Сириаг Араббаг Республикæйы Фæсарæйнаг хъуыддæгты министрадмæ.
Сæрмагондæй, арфæйы дзырдæуы:
«2018 азы зæрдæвæрæны мæйы 29-æм бон Республикæ Хуссар Ирыстон æмæ Сириаг Араббаг Республикæ, æхсæнадæмон барады сфидаргонд нормæтæ æххæст кæнгæйæ, бындур æрæвæрдтой хæларадон ахастытæн.
Хуссар Ирыстон хæст у кæрæдзийы паддзахадон суверенитет æмæ паддзахадон иудзинадæн кад кæныны, æмбарады хъуыдыйыл, ахсджиагыл нымайы дывæрсон политикон диалог æмæ æмархайды дарддæр кæнынад».