Æртхъирæны мæйы 27-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Джусойты Нафийы номыл мысæн изæры, кæцы ацыд Культурæйы уæрæсейаг фонды Мæскуыйы.
Зынгæ ирон фыссæг, драматург, публицист, тæлмацгæнæг æмæ Ирыстоны адæмон фыссæгы райгуырдæй 100 азы рацыды цытæн мадзал сарæзтой УФ-йы Президенты цур РЦИ-Аланийы Æнаивгæ минæварад Уæрæсейы уæвæг Хуссар Ирыстоны Минæварадимæ иумæ æмæ Мæскуыйы ирон общинæ.
Мысæн изæрмæ æрæмбырд сты поэты хорз чи зыдта, йæ коллегæтæ, йе сфæлдыстадæн табугæнджытæ, хиуæттæ. Сæ нымæцы советон паддзахадон æмæ политикон архайæг Санахъоты Феликс, кæцы уыд фыссæджы хæлар 50 азæй фылдæр, афтæмæй ма Расул Гамзатовы чызг Салихат Гамзатова.
Хуссар Ирыстоны Президент Гаглойты Аланы номæй Джиоты Æхсар раарфæ кодта мысæн изæры организатортæ æмæ хайадисджытæн, афтæмæй ма банысан кодта Джусойты Нафийы райгуырдæй 100 азы рацыды цытæн мадзæлтты ахсджиагдзинад, кæцытæ цæуынц куыд Хуссар Ирыстон, афтæ Цæгат Ирыстоны дæр.
Бирæ хорз ныхæстæ загъдæуыд Джусойты Нафийы тыххæй. Сценæйæ зæлыдысты поэты уарзондæр зарджытæ, æмдзæвгæтæ. Равдыстæуыд зынгæ ирон гоймаджы тыххæй документалон киноныв.
2025 азы æртхъирæны мæйы 28-æм бон