Æртхъирæны мæйы 11-æм бон Цхинвалы ацыд Женевæйы æхсæнадæмон дискусситы хуссарирыстойнаг делегацийы хайадисджыты фембæлд Женевæйы дискусситы ЕЦ, ОБСЕ æмæ ИНО-йæ Æмсæрдæрттимæ.
Фембæлды дзырд цыд дыууæ кусæгон къорды – ацы азы тæргæйтты мæйы 4-5 бонтæм снысангонд Дискусситы 63-æм раунды æдасдзинад æмæ гуманитарон проблематикæйы фæдыл.
Хайадисджытӕ сфидар кодтой дискусситы сӕйраг нысан – регионы фидар ӕдасдзинад æмæ стабилондзинад бахъахъхъӕнын.
Нысангонд æрцыд Инциденттæ аиуварс кæнын æмæ сæм афоныл хъус æрдарыны фæдыл механизмы архайды ахсджиагдзинад æмæ уый фæлгæтты бастдзинады «тæвд хахх»-ы фæстиуæгджын куыст.
Бæстонæй æрдзырдæуыд гуманитарон фарстатыл дæр, цыран сæйраг хъусдард аздæхтæуыд Хуссар Ирыстоны æмбæстæгтæй æбæрæгæй чи фесæфт, уыдон хъысмæтмæ, афтæмæй ма Хъазыбеджы районы (Тырсыгом) ирæтты-тырсыгоймæгты проблемæтæм.
Фембӕлды хайадисджытӕ банысан кодтой Дискусситы ахсджиагдзинад регионы æдасдзинад æмæ стабилондзинад бахъахъхъæныны хъуыддаджы æмæ сӕ цӕттӕдзинад равдыстой Женевӕйы процессы фӕлгӕтты ӕнтысджын ӕмӕ конструктивон куыст дарддӕр кӕнынмӕ.
2025 азы æртхъирæны мæйы 11-æм бон