Джеоргуыбайы мæйы 26-æм бон Республикæ Хуссар Ирыстоны Фæсарæйнаг хъуыддæгты министрады ацыдысты Республикæ Хуссар Ирыстоны ФХъМ-йы Æвзонг дипломатты советы æмæ Республикæ Абхазы ФХъМ-йы Æвзонг дипломатты советы минæвæртты ‘хсæн дывæрсон консультацитæ.
Консультациты рæстæджы дыууæ фарс дæр æрдзырдтой Æвзонг дипломатты советы фæлгæтты æмгуыстады дарддæры фæндæгтыл, равдыстой сæ цæттæдзинад организациты æмархайды дарддæры райрæзтмæ.
Консультациты фæстиуæгæн Республикæ Хуссар Ирыстоны ФХъМ-йы Æвзонг дипломатты советы Сæрдар Санахъоты Алексей æмæ Республикæ Абхазы ФХъМ-йы Æвзонг дипломатты советы Сæрдар Астанда Патария бафыстой Организациты æмгуыстады фæдыл Меморандум.
Меморандумы бафыст ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы хайадистимæ.
Консультациты хуссарирыстойнаг фарсæй хайад райстой Цхуырбаты Александра, Коцты Зарина, Бабуцидзе Джулия æмæ Уалыты Марина, абхазаг фарсæй – Астамур Асабуа, Милана Абшилава æмæ Абхазы Минæварады Уынаффæгæнæг Хуссар Ирыстоны Гаглойты Александра.
Цхинвал, 2024 азы джеоргуыбайы мæйы 26-æм бон