Майрæмты мæйы 8-æм бон, Гуырдзыстоны ‘рдыгæй Хуссар Ирыстоны ныхмæ хæстон агрессийæ æхсæрдæс азы рацыды охыл мысæн мадзæлттæ ацыдысты Хуссар Ирыстоны Фæсарæйнаг хъуыддæгты министрады фæсарæйнаг уагдæтты дæр.
Мæскуыйы Ирвæзынгæнæг Чырыстийы Аргъуаны ссардтой гуырдзиаг агрессийы рæстæджы фæмардуæвæг Хуссар Ирыстоны цæрджыты рухс нæмттæ, афтæмæй ма Цхинвалы хъахъхъæнджыты, ирон æмæ уæрæсейаг Фидауынгæнæг тыхты хæстонты, уæрæсейаг æфсады солдаттæ æмæ офицерты рухс нæмттæ, кæцытæ сæ царды аргъæй хъахъхъæдтой Хуссар Ирыстоны.
Мысæн мадзалы хайад райстой Республикæ Хуссар Ирыстоны делегаци Республикæ Хуссар Ирыстоны Уæлвæткон æмæ Æххæстбарджын Минæвар Гасситы Знауыры сæргълæудæй, Республикæ Абхазы Минæварады делегаци Уæлвæткон æмæ Æххæстбарджын Минæвар Алхас Квициниайы сæргълæудæй, Республикæ Никарагуайы Минæварады делегаци Уæлвæткон æмæ Æххæстбарджын Минæвар Альба Торресы сæргълæудæй, Боливариайнаг Республикæ Венесуэлæйы Минæварады делегаци Уæлвæткон æмæ Æххæстбарджын Минæвар Хесус Веласкесы сæргълæудæй, Сириаг Араббаг Республикæйы делегаци, СНГ-йы хъуыддæгты æмæ æмбæстæгтимæ бастдзинæдты фæдыл Паддзахадон Думæйы комитеты сæрдары хæдивæг Константин Затулин, УФ-йы Президенты цур Республикæ Хъырымы Æнаивгæ Минæвар Георгий Мурадов, Уæрæсейаг Историон æхсæнады правленийы сæрдар Гагкуты Руслан, УФ-йы Президенты цур Республикæ Адыгейы Официалон Минæвары хæстæ æххæстгæнæг Фатима Романова, УФ-йы Президенты цур Республикæ Цæгат Ирыстон-Аланийы Æнаивгæ Минæварады делегаци, Приднестроваг Молдаваг Республикæйы Минæварады Сæрдар Леонид Манаков, УФ-йы Хицауады цур Самарæйы облæсты хицауады Минæварады делегаци, æппæтуæрæсейон æхсæнадон организаци «Иугонд Уæрæсейы Æвзонг Гварди»-йы делегаци, Мæскуыйы ирон общинæйы делегаци.
Приднестроваг Молдаваг Республикæйы, хъæу Парканыйы майрæмты мæйы 7-æм боны æхсæв, Æнусон арты цур Хуссар Ирыстоны Официалон Минæварад Приднестровьейы гуырдзиаг агрессийы рæстæджы фæмардуæвæг Хуссар Ирыстоны амæттæгты рухс номыл сарæзта Мысæн акци.
2008 азы хæсты фæмардуæвджыты рухс ном ссарыны фæдыл дидинтæ сæвæрыны церемонийы хайад райстой Приднестровьейы закъондæттæг æмæ æххæстгæнæг органты минæвæрттæ, хъæу Парканыйы хицауад æмæ цæрджытæ, Приднестровьейы уæвæг Абхазы Минæварады кусджытæ.
Хуссар Ирыстоны Официалон минæвар Приднестровьейы Виталий Янковский зæрдыл æрлæууын кодта уыцы æвирхъау бонтæ æмæ банысан кодта ахæм мадзæлтты ахсджиагдзинад, кæцытæ здæхт сты хъайтар адæмы рухс ном ма рох кæнын æмæ историон рæстдзинад размæ кæнынмæ.
Майрæмты мæйы 8-æм бон, Хуссар Ирыстоны ныхмæ Гуырдзыстоны хæстон агрессийæ 16 азы рацыды охыл Сухумы ацæудзæн хъынцъымы акци «Мысæн цырагъ».
Абхазаг паддзахадон драмон театры раз фæзуаты фæмардуæвджыты рухс номыл ссуддзысты цырæгътæ.
Цхинвал, 2024 азы майрæмты мæйы 8-æм бон