Зæрдæвæрæны мæйы 8-9 бонты Республикæ Хуссар Ирыстоны ацыдысты Стыр Фыдыбæстæйон хæсты советон адæмы Уæлахизæй 79 азы рацыды охыл цытджын мадзæлттæ.
Уæлахизы Боны хæдразмæ ацыд Кады аллейы Стыр Фыдыбæстæйон хæсты фæмардуæвджыты цыртдзæвæнмæ Кады гирляндæ сæвæрыны цытджын церемони. Церемонийы хайадисджытæ дидинтæ æмæ веноктæ сæвæрдтой Æнусон артмæ æмæ, æдзæмæй алæугæйæ, ссардтой Стыр Фыдыбæстæйон хæсты быдырты фæмардуæвджыты рухс нæмттæ.
Афтæмæй ма ацыд советон-уæрæсейаг фæдагурæг, Хуссар Ирыстонæй рацæугæ Лохты Иосифы фырт Владимирæн цырт бакæныны официалон церемони.
Стыр Фыдыбæстæйон хæсты азты æртыккæгæм скъолайы территорийыл уыд 1960-æм эвакуацион госпиталь, æмæ уый фæдыл ацы ахуырадон уагдоны бакодтой мемориалон фæйнæг.
Зæрдæвæрæны мæйы 9-æм бон Стыр Фыдыбæстæйон хæсты Уæлахизæй 70 азы рацыды цытæн Цхинвалы сæйраг фæзуаты ацыд Хæстон парад, афтæмæй ма «Æнæмæлгæ полк».
Мадзæлтты хайад райстой Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
Цхинвал, 2024 азы зæрдæвæрæны мæйы 9-æм бон