Тъæнджы мæйы 23-æм бон Хуссар Ирыстоны Уæлвæткон æмæ Æххæстбарджын Минæвар Абхазы Боциты Олег хайад райста Абхаз æмæ Приднестровьейы 'хсæн Хæларад æмæ æмгуыстады фæдыл Бадзырд бафыссынæй 31 азы рацыды цытæн тымбыл фынджы куысты, кæцы сорганизаци кодтой Абхазы Президенты цур Стратегион иртæстыты центр æмæ Приднестровьейы Официалон Минæварад Абхазы.
Экспертон уынаффæйы хайад райстой Республикæ Абхазы Æдасдзинады советы Секретарь, Приднестроваг Молдаваг Республикæйы Официалон Минæвар Республикæ Абхазы, Приднестроваг Молдаваг Республикæйы Фæсарæйнаг хъуыддæгты министрады, Республикæ Абхазы Фæсарæйнаг хъуыддæгты министрады, Республикæ Абхазы Хъахъхъæнынады министрады минæвæрттæ, зынгæ æхсæнадон архайджытæ.
Цхинвал, 2024 азы тъæнджы мæйы 23-æм бон