Хурхæтæны мæйы 15-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта зынгæ ирон нывгæнæг, Советон Цæдисы æмæ Уæрæсейы Федерацийы Нывгæнджыты Цæдисы уæнг Хаситы Павелы нывты сæрмагонд равдыст, кæцы байгом Тыбылты Алыксандры номыл Хуссар Ирыстоны паддзахадон университеты (ХИПУ) музейон комплексы.
Байгом кæныны церемонийы хайад райстой Республикæйы къухдариуæгад, Уæрæсейы Минæвар Хуссар Ирыстоны Марат Кулахметов, афтæмæй ма уазджытæ Самарæйæ - Хуссар Ирыстоны хицауады раздæры сæрдар Хуыгаты Ростислав æмæ Самарæйы паддзахадон техникон университеты ректор Дмитрий Быков.
Хуссар Ирыстоны президент Гаглойты Аланы Барамындмæ гæсгæ, аивады фадыгмæ уæзгæ хайбавæрды тыххæй Хаситы Павелæн лæвæрд æрцыд «Республикæ Хуссар Ирыстоны сгуыхт нывгæнæг»-ы ном.
Цхинвал, 2023 азы хурхæтæны мæйы 15-æм бон