21 апрелы киноконцертон залы «Чермен» байгом италиаг фотограф Леонардо Маттиолийы фоторавдыст ахæм номимæ: «Хуссар Ирыстон – бæстæ æмæ адæм». Йæ организатор уыдис РХИ Фæсарæйнаг хъуыддæгты министрад Итали-Хуссар Ирыстоны Хæлардзинады æхсæнадимæ иумæ РХИ Культурæйы министрады фарсхæцынадæй.
Равдыст байгом кæныны хайад райстой РХИ Фæсарæйнаг хъуыддæгты министры хæдивæг Коцты А.К., РХИ Хицауады сæрдары хæдивæг Пухаты Э.Г., РХИ Культурæйы министр Остъаты М.А., Итали-Хуссар Ирыстоны Хæлардзинады æхсæнады Президент Мауро Мурджиа, æхсæнады минæвæрттæ.
Равдыст гом кæнгæйæ, Коцты А.К. бузныг загъта, чий æ сорганизаци кодта, уыдонæн се ‘ппæтæн дæр æмæ банысан кодта, зæгъгæ, культурæйы къабазы ахæм баивдтæ ахъаз кæнынц дыууæ адæмты ‘хсæн хæларадон иудзинæдтæ фидар æмæ рæзын кæнынæн, афтæ ма ахъаз кæнынц æхсæнпаддзахадон иудзинæдтæ рæзын кæнынæн дæр.
Экспозициты æрласт у италийаг фотографæн йæхирдыгонау тæлмæнты, 2014 азы Хуссар Ирыстонмæ йæ цыбыррæстæгмæйон балцы фæстиуæг.
Равдыст йæ куыст кæндзæнис 27 апрелмæ. Равдыстмæ бацæуæн ис сæрибарæй.
Цхинвал, 2015 азы 21 апрель