Цыппурсы мæйы 26-æм бон РХИ-йы Фæсарæйнаг хъуыддæгты министрады ацыд уæрæх æмбырд, кæцыйы рæстæджы Республикæ Хуссар Ирыстоны Фæсарæйнаг хъуыддæгты министр Джиоты Æхсар æрныхас кодта ацæугæ азы Министрады куысты фæстиуджытыл æмæ снысан кодта 2025 азмæ сæйраг хæстæ.
Æмбырды рæстæджы Министр цыбыртæй банысан кодта 2024 азы æддагполитикон æмæ фæсарæйнаг уагдæтты архайды сæйраг здæхтытæ.
Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста хæрзаудæн проект «Мæ ногазон бæллицц»-ы.
Проекты фæлгæтты Министр сæххæст кодта æртæ сывæллоны бæллицц. Се 'хсæн – интернатты, сидзæр сывæллæтты хæдзары хъомылгæнджытæ, сæрмагонд хæстон операцийы рæстæджы фæмардуæвæг хъайтарты сывæллæттæ.
Джиоты Æхсар скодта сывæллæттæн, Митын Дадамæ сæ фыстæджыты цы ныффыстой, уыцы лæвæрттæ æмæ сын йæ зæрдæ загъта æнæниздзинад, æнтыстытæ æмæ Ног азы æппæт фæндты сæххæст.
Цхинвал, 2024 азы цыппурсы мæйы 26-æм бон
Цыппурсы мæйы 18-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.
Ныхасы рæстæджы æрдзырдæуыд 2024 азы фæстиуджытыл, хуссарирыстойнаг-абхазаг хæларадон ахастыты актуалон фарстытыл æмæ дарддæры æмархайдыл.
Цхинвал, 2024 азы цыппурсы мæйы 18-æм бон
Цыппурсы мæйы 5-6 бонты Валлетты (Мальтæ) ацыд ОБСЕ-йы Фæсарæйнаг хъуыддæгты министрты Советы 31-æм рабадт, кæцыйы фæлгæтты афтæ хуыйнæг ОБСЕ-йы Гуырдзыстоны хæлæртты къорд (Болгари, Канадæ, Чехи, Дани, Эстони, Финлянди, Исланди, Ирланди, Латви, Литвæ, Норвеги, Польшæ, Румыни, Словаки, Швеци, Украинæ, Великобритани æмæ Америкæйы Иугонд Штатты) номæй радон хатт фидиуæны загъд æрцыдысты бирæ азты дæргъы æнæивгæ, æцæгадæй дард хъуыдытæ.
Цыппурсы мæйы 16-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты ног Сæрдар Саид Ассадуллайы.
Ныхасы рæстæджы æрдзырдæуыд СДÆК-ы гуманитарон архайды фæдыл Хуссар Ирыстоны, афтæмæй ма дарддæры æмгуыстадыл.
Фембæлды ма хайад райстой РХИ-йы ФХъМ-йы Æддагполитикон бастдзинæдты управленийы Сæрдар Джиджджойты Т., СДÆК-ы Минæварады Сæрдары Хæдивæг Болататы В. æмæ СДÆК-ы Минæварады Æхсæнадимæ бастдзинæдты фæдыл кусæг Тедеты М.
2009 азы цыппурсы мæйы 16-æм бон Мæскуыйы ацыд Республикæ Хуссар Ирыстон æмæ Республикæ Науруйы 'хсæн дипломатон ахастытæ сфидар кæныны фæдыл Иумæйаг фидиуæны бафыст.
Республикæ Хуссар Ирыстон æмæ Республикæ Науруйы ‘хсæн дипломатон ахастытæ сфидар кæнынæй 15 азы рацыды цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгтæ, базарад æмæ финансты министрадмæ.
Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта Уæрæсе æмæ Никарагуайы ‘хсæн дипломатон ахастытæ сфидар кæнынæй 80 азы, афтæмæй ма дыууæ бæстæйы ‘хсæн Хæларады бон сфидар кæнынæй 9 азы рацыды цытæн цытджын мадзал, кæцы ацыд Уæрæсейы ФХъМ-йы Культурон центры.
Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зынгæ никарагуайаг поэт Рубен Дариойы цырт бакæныны церемонийы М.В. Рудоминойы номыл Фæсарæйнаг литературæйы библиотекæйы Мæскуыйы.
Церемонийы хайад райста Манагуайы делегаци Никарагуайы Президенты Уынаффæгæнæг Л. Ортегайы сæргълæудæй. Уазджытæ систы УФ-йы Фæсарæйнаг хъуыддæгты министры хæдивæг С. Рябков, Уæрæсейы аккредитацигонд дипломатон корпусы минæвæрттæ, Федерацийы Советы æмæ Никарагуайы Национ Ассамблейы Æмгуыстады фæдыл къордтæ.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Уæрæсейы Федерацийы Конституцийы боны фæдыл арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Хуссар Ирыстоны Марат Кулахметовмæ.
Сæрмагондæй, арфæйы дзырдæуы:
«1993 азы цыппурсы мæйы 12-æм бон – Уæрæсейы ног историйы ахсджиаг бон. Конституцийы райст ссис уæрæсейы барадон системæйы, паддзахады суверенитеты фидар бындур, наци, ратæдзæнтæ æмæ динмæ нæкæсгæйæ, алы адæймагæн дæр сфидар кодта йæ бартæ æмæ сæрибардзинад».
Цыппурсы мæйы 10-æм бон Мæскуыйы ацыд Хуссар Ирыстоны ФХъМ æмæ Уæрæсейы ФХъМ-йы Æвзонг Дипломатты советты сæрдарты фембæлд.
Санахъоты Алексей æмæ Екатерина Акопян, кæцы æрæджы слæууыд УФ-йы ФХъМ-йы Æвзонг дипломатты советы сæргъ, афтæмæй ма Уæрæсейы ФХъМ-йы Бирæварсон гуманитарон æмгуыстад æмæ культурон бастдзинæдты фæдыл департаменты Фæсивæдон, спортивон æмгуыстады хайады сæрдар, Россотрудничествойы цур æхсæнадæмон гуманитарон æмæ фæсивæдон æмгуыстады фæдыл Æхсæнадон Советы къухдариуæггæнæг Константин Колпаков æрдзырдтой дывæрсон æмæ бирæварсон æмгуыстады дарддæры райрæзтыл.
Сирийы Хъахъхъæнынады министрады хъусынгæнинæгтæм гæсгæ, джеоргуыбайы мæйы 27-æм бон, деэскалацийы фæдыл бадзырд фехалгæйæ, террористон организаци «Хайят Тахрир ан-Шам»-йы къорды боевиктæ æрбабырстой территоритæ Алеппо æмæ Идлибмæ.
Хæцæг фарсыты бафидауын кæныны фæдыл Сирийы уæвæг уæрæсейаг центр куыд хъусын кæны, уымæ гæсгæ Сирийы æфсад сликвидаци кодта 400 террористмæ æввахс.
Хуссар Ирыстоны сты террористон къордтæ уавæр кæй æндыгъд кæнынц, уый ныхмæ, æмæ, бадзырдадты ахсджиагдзинад нысан кæнгæйы, сты официалон Дамаскы 'вварс.
Джеоргуыбайы мæйы 26-æм бон Республикæ Хуссар Ирыстоны Фæсарæйнаг хъуыддæгты министрады ацыдысты Республикæ Хуссар Ирыстоны ФХъМ-йы Æвзонг дипломатты советы æмæ Республикæ Абхазы ФХъМ-йы Æвзонг дипломатты советы минæвæртты ‘хсæн дывæрсон консультацитæ.
Консультациты рæстæджы дыууæ фарс дæр æрдзырдтой Æвзонг дипломатты советы фæлгæтты æмгуыстады дарддæры фæндæгтыл, равдыстой сæ цæттæдзинад организациты æмархайды дарддæры райрæзтмæ.
