Майрæмты мæйы 7-8 бонты Республикæ Хуссар Ирыстоны цæуынц Хуссар Ирыстоны ныхмæ Гуырдзыстоны хæстон агрессийæ æстдæс азы рацыды охыл мысæн мадзæлттæ.
Майрæмты мæйы 7-æм бон мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы акцийы хайадисджытæ сæвæрдтой дидинтæ мемориалмæ æмæ фæмардуæвджыты рухс номыл ссыгътой цырæгътæ.
Майрæмты мæйы 8-æм бон Сыгъдæг Мадымайрæмы Аргъуан æмæ Сыгъдæг Æртæиуоны аргъуаны майрæмты мæйы хæсты амæттæгты номыл ацыдысты мысæн службæтæ.
Дидинтæ сæвæрдæуыд Хуссар Ирыстоны хъахъхъæнджытæ цы бынæтты фæмард сты, уырдæм, уый нымæцы уæрæсейаг фидауынгæнджыты пырх казармамæ, Тъбеты хъæуы «Сыгъд удты музей»-ы централон монумент – «Хъынцъымы бæлас»-мæ, Галуанты Олег цы бынаты фæмард, уырдæм, Багаты Амыраны цыртмæ, Уæрæсейы Хъайтар Денис Ветчиновы цыртмæ, ОМОН-ы фæмард кусджыты цыртмæ, Хъайтарты уынджы цыртмæ, Буденновы полчы тæхæг Владимир Едаменкойы цыртмæ.
Мысæн мадзæлтты хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
2026 азы майрæмты мæйы 8-æм бон