Сусæны мæйы 13-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста æхсæнадæмон-зонадон конференци «Нюрнберг: Без права на реабилитацию»-йы, кæцы ацыд Тыбылты Алыксандры номыл Хуссар Ирыстоны Паддзахадон университеты (ХИПУ).
Конференцийы сæйраг здæхт – Нюрнбергы процессы рæстаг бæрæггæнæнтæ бахъахъхъæнын æмæ нацизм сног кæныны ныхмæ тох кæнын. РХИ-йы Президенты хæстæ æххæстгæнæг Хъамболты Мараты арфæйы ныхас конференцийы хайадисджытæн бакаст ХИПУ-йы Ректор Тедеты Вадим.
Мадзалы хайад райстой Уæрæсейы Минæвар Хуссар Ирыстоны Марат Кулахметов, Цхинвалы уæвæг Уырыссаг хæдзары Сæрдар Сергей Комиссаров, РХИ-йы Парламенты Æддагон политикæ æмæ æхсæнпарламентон бастдзинæдты комитеты Сæрдар Дриаты Заза, Хуссар Ирыстоны уæвæг ПМР-йы Минæварады Сæрдар Плиты Алан, РА-йы Минæвар РХИ-йы Елбачиты Алан, Абхазы ФХъМ-йы минæвар Джемал Бганба, Уæрæсейы зонæдты академийы минæвæрттæ, Хуссар Ирыстон æмæ УФ-йы раззагондæр эксперттæ-историктæ æмæ иннæтæ.
Конференци сарæзтой ХИПУ, УФ-йы Минæварад РХИ-йы, РХИ-йы уæвæг Россотрудничествойы Минæварад, Социалон программæтæн æххуысы Уæрæсейы национ фонд, Уæрæсейы историон æхсæнад, Коммуникациты райрæзты национ иртасæн институт æмæ «Коммуникациты размæдзыды æхсæнадæмон институт Мир-Мост-Осетия».
2026 азы сусæны мæйы 13-æм бон