Ацы бонты Италийы цæуынц Европæйы Ирон культурæйы бонтæ.
Девиз «Культурæты диалог»-имæ проекты аразæг у Æхсæнадæмон æнæкоммерцион ассоциаци «Renaissance Sandidzan» («Æндидзæн»), йæ сæргълæууæг – Пухаты Радион.
Сусæны мæйы 3-æм бон байгом фыццаг равдыст Градары горæты музейы. Байгом кæныны церемонийы хайад райстой г. Градары мэр Филиппо Гаспери, афтæмæй ма Хуссар Ирыстоны Фæсарæйнаг хъуыддæгты министрады минæвар Италийы Мауро Мурджа.
Равдысты ис зындгонд ирон нывгæнджыты куыстытæ: Чилæхсаты Магрезы, Пухаты Вадимы, Есенаты Æхсары, Гæбæраты Борисы, Битеты Аланы, Æлборты Лирайы, Къадзты Вадимы æмæ иннæты. Бирæ зындзинæдты аххосагæн нывгæнджыты фылдæр хайæн сæ бон не ссис равдыстмæ æрцæуын, фæлæ сæ аивадæн арæнтæ нæй. Равдыст ссис адæмты ‘хсæн культурон хид, кæцыйы фæрцы италиæгтæ банкъардтой ирон аивады арф дуне.
Программæйы ис дыууæ сæйраг равдысты. Дыккаг байгом сусæны мæйы 6-æм бон культурон центр Габичче-Марейы. Уый у ахсджиаг бынат, цыран рæстæгæй-рæстæгмæ цæуынц симпозиумтæ æмæ культурон цаутæ.
2026 азы сусæны мæйы 7-æм бон