Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
«Ацы бон цыт кæнæм приднестроваг дипломатийы бæрзонд æмвæзадæн, кæцы паддзахады сырæзтæй фæстæмæ у йæ национ интерестæ бахъахъхъæныны ахсджиаг иуæг. Приднестроваг дипломаттæ æдзухдæр хицæн кодтой стыр профессионализм, стратегион хъуыдыкæнынад æмæ патриотизмæй. Æмæ абон, дунейы зын уавæрмæ нæкæсгæйæ, Приднестровьейы æддагполитикон службæ дунеон аренæйы стыр цытимæ хъахъхъæны йæ бæстæ æмæ йæ адæмы интерестæ».