Сусæны мæйы 10-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ РХИ-йы ФХъМ-йы фæсарæйнаг уагдæттимæ куысты фæдыл хайады сæрдар Санахъоты Алексей бабæрæг кодтой Цхинвалы уæвæг Уырыссаг хæдзар, кæцыйы УФ-йы ФХъМ-йы Сæрмагонд уынаффæты фæдыл Минæвар Родион Мирошникы хайадистимæ цæуы Æхсæнадæмон телехид «Киевы режимы фыдракæндтæ: Херсоны облæсты æмбæстæгты ‘рдæм террор».
Мадзалы ма хайад исынц РХИ-йы уæвæг УФ-йы Минæварады 1-æм секретарь Игорь Ратушняк, Цхинвалы уæвæг Уырыссаг хæдзары къухдариуæггæнæг Сергей Комиссаров, æмбæстæгтæ, æхсæнад æмæ фæсивæд.
Фыццаг хатт рæгъмæ рахастæуыд Украинæйы гæрзифтонг къордты фыдракæндтæ: статистикæ, киевы режимы æгъатыр архайдтыты дæнцæгтæ, амæттæгты æмæ уыцы æбуалгъ цаутæ йæхи цæстæй чи уыдта, уыдоны историтæ.
Телехидмæ æрбаиу ис Европæ, Ази, Æввахс Скæсæн, Африкæ, Латинаг æмæ Цæгат Америкæйæ 80 паддзахадмæ æввахс.
2026 азы сусæны мæйы 10-æм бон