2012 азы 8 апрелы Респуьликæ Хуссар Ирыстоны президент сæвзарыны дыккаг фæлхатгонд тур. Æвзæрстыты уагъд æрцыдысты 2001 азы 8 апрелы ист чи ‘рцыдис, Республикæ Хуссар Ирыстоны уыцы Конституци æмæ æвзæрстыты тыххæй закъондæттынадмæ гæсгæ. Хъæлæс лæвæрдцыдис 84 æвзарæн фæдыджы, уыцы нымæцы Уæрæсейы Федерацийы Республикæ Хуссар Ирыстоны Минаварады территорийыл баконд чи ‘рцыдис, уыцы фадыджы дæр.
2012 азы 25 марты Республикæ Хуссар Ирыстоны уыд президенты æвзæрстытæ.
Æвзæрстытæ ацыдысты Республикæ Хуссар Ирыстоны æвзæрстыты закъондæттынады бындурыл æмæ дунеон нормæтæм гæсгæ.
Республикæ хуссар Ирыстоны Фæсарæйнаг хъуыддæгты министр Джиоты Мурат хайад райста Республикæ Хуссар Ирыстоны Президенты æвзæрстыты охыл цы тымбыл фынг уагъд æрцыдис, уый куысты.
Фембæлды рæстæджы уынаффæ цыдис 2012 азы 25 марты уагъд цы æвзæрстытæ хъуамæ ацæуой, уыдонимæ баст актуалон фарстытыл.
Тымбыл фынгмæ ма хуынд æрцыдысты ЦÆК,Хъахъæнынады министрады, Республикæ Хуссар Ирыстоны Парламенты минæваæрттæ, президенты бынатмæ кандидаттæ, политологтæ.
Цхинвал,2012 азы, 6 март
2012 азы 4 марты Уæрæсейы Федерацийы Президенты æвзæрстыты хайад истой, æвзæрстыты бонмæ Республикæ Хуссар Ирыстоны территорийыл æдзух чи цæры кæнæ рæстæгмæ чи ис, Уæрæсейы Федерацийы уыцы æмбæстæгтæ.
Хуссар Ирыстоны баконд æрцыдысты дыууадæс æвзарæн фадыджы. Æвзæрстытæ уадзыны куыст сорганизаци кодта Республикæ Хуссар Ирыстоны Уæрæсейы Федерацийы Минæварад.
2012 азы 1 марты Республикæ Хуссар Ирыстоны Фæсарæйнаг хъуыддæгты министр йæхимæ райста Приднестроваг Молдоваг Республикæйы Официалон Минæварады Сæргълæууæг Пухаты Александры.
Ныхæсты рæстæджы, кæцыйы ма ноджыдæр хайад райста Республикæ Хуссар Ирыстоны Фæсарæйнаг хъуыддæгты министры хæдивæг Цхуырбаты Казбулат, уынаффæ цыдис хуссарирыстойнаг-абхазаг ахастыты тыххæй. Дыууæ фарсы ‘рдыгæй дæр банысан æрцыдис фæстиуæгджын æмгуыстгæнынад дарддæр дæр уæрæх кæнынмæ тырнындзинад.
Загъд æрцыдис катайдзинад, Абхазы чи ‘рцыдис, Паддзахады сæргълæуæджы амарынмæ уыцы бахъавды фæдыл. Ацы террористон акт цæхгæр æвзæрыл банымайгæйæ, Министр мæсæллæй загъта, йæ хъахъхъæнджытæй чи фæмард сты, уыцы кусджыты хæстæджытæ æмæ æввахс адæмæн.
2012 азы 17 февралы Республикæ Хуссар Ирыстоны кусæгон визиты уыдысты Фæскавказы æдасдзинады фæдыл Женевайы дискусситы æмсæрдæрттæ. Делегаци фембæлдис Хуссар Ирыстонæй Женевайы дискусситы хайадисджытимæ.
Фембæлды рæстæджы уынаффæ цыдис 2012 азы 28-29 марты Женевайы чи хъуамæ уа, уыцы радон 19-æм раундмæ цæттæ кæныны фарстатыл. Хуссарирыстойнаг фарсы ‘рдыгæй банысан кодтой Женевайы радон дискусситы куыстмæ цæттæ кæй сты.
2012 азы 17 февралы Республикæ Хуссар Ирыстоны Фæсарæйнаг хъуыддæгты Министр Джиоты М.К. йæхимæ райста Приднестроваг Молдоваг Республикæйы Республикæ Хуссар Ирыстоны Минæварады Сæргълæууæг Пухаты А.И.
Ныхасы рæстæджы уынаффæ цыдис хуссарирыстойнаг-приднестроваг æмахастытæ рæзын кæнынимæ баст къорд уæрæх фарстатыл.
2012 азы 7-10 февралы Владимир Нейманы сæргълæудæй Республикæ Хуссар Ирыстоны уыдис Мæскуыйы филиалы Дунеон медицинон гуманитарон организации «Дохтыртæ æнæ арæнтæйы»-ы делегаци.Визиты нысан уыдис æмкуысткæнынады Хуссар Ирыстоны программæтæ æххæст кæныны фадаттæ сахуыр кæнын.
9 февралы «Дохтыртæ æнæ арæнтæй»-ы минæвæрттимæ фембæлд Хуссар Ирыстоны Хицауады Сæрдары хæдивæг Хъуылымбегты Доменти.Хуссар Ирыстоны ‘рдыгæй фарсæй ма фембæлды уыдысты Фæсарæйнаг хъуыддæгты министр Джиоты Мурат æмæ æнæниздзинад хъахъхъæныны æмæ социалон рæзты министр Уалыты Ларисæ.
Абон 2011 азы 20 сентябры Республикæ Хуссар Ирыстоны уагъд цæуынц Республикæ Хуссар Ирыстоны сырæзтыл 21 азы сæххæсты сæраппонд бæрæгбонон мадзæлттæ.Хуссар Ирыстоны адæм цыппæрæм хатт нысан кæнынц сæ историйы банымадгонд паддзахады уавæрты ацы зæрдылдарæн бон.
Республикæйы Бон бæрæгбон кæнынмæ æрхаудис уæрæсейаг-хуссарирыстоæнаг форум ахæм номимæ: «Эффективон экономикæйы уылты нырыккон паддзахад саразын»,кæцы уагъд цæуы Цхинвалы.Форумы фæлгæтты къухтæ фыст æрцыдысты фондз дывæрсыг документыл:
2011 азы 20 сентябры уыдис Тувалуйы Премьер-министр Вилли Телавийы визит Республикæ Хуссар Ирыстонмæ.Визиты рæстæджы 19 сентябры къухтæ фыст æрцыдысты Республикæ Хуссар Ирыстоны æмæ Тувалуйы ‘хсæн дипломатон ахастытæ саразыны фæдыл.Хуссар Ирыстоны ‘рдыгæй фарс документыл йæ къух æрфыста Республикæ Хуссар Ирыстоны президент Кокойты Эдуард,Тувалуйы ‘рдыгæй фарс Премьер-министр Вилли Телави.
Венесуэлæйы Боливарианаг Республикæйы РХИ Чрезвычайон æмæ Æххæстбарджын Минæвар Козаты Нарим ныртæккæ кусæгон визиты ис Каракасы.
30 августы Козаты Наримы йæхимæ райста Венесуэлæйы Боливарианаг Республикæйы Фæсарæйнаг хъуыддæгты министр.Фембæлды рæстæджы Минæвар æууæнчы грамотаты халдихтæ радта Венесуэлæйы Фæсарæйнаг хъуыддæгты министры хæдивæгмæ.
Фембæлды рæстæджы уынаффæ кодтой Республикæ Хуссар Ирыстоны æмæ Венесуэлæйы Боливиаг Республикæйы ‘хсæн дыууæфарсон æмкуысткæнынадыл æмæ дыууæ паддзахады ‘хсæн ахастыты дарддæры перспективæйыл.
