15-17 августы Республикæ Хуссар Ирыстоны кусæгон визиты уыдис Хуссар Ирыстоны Республикæйы Боливараг Республикæ Венесуэлæйы Уæлвæткон æмæ Æххæстбарджын Минæвар Ухо Хосе Эрнандес.
Визиты фæлгæтты минæвар Эрнандесы йæхимæ райста Республикæ Хуссар Ирыстоны президент Тибылты Леонид Харитоны фырт. Минæваримæ ма ныхас кодта Фæсарæйнаг хъуыддæгты министр Санахъоты Дауыт Георгийы фырт дæр.
Фембæлды рæстæджы дыууæ фарсы ‘рдыгæй дæр æруынаффæ чындæуыд хæларадон ахастыты аспекттыл æмæ разыйæ банысан чындæуыд, Республикæ Хуссар Ирыстон æмæ Баливараг Республикæ Венесуэлæйы æхсæн æмкуысткæнынады бæрзонд æмвæзад. Загъдæуыд, кæй фæнд кæнынц йæ дарддæры фидар рæзтæн ахъаз кæнынæн, бафидар кодтой, дыууæ ‘рдыгæй дæр кæй тырнынц политикон, базародон-экономикон, культурон бастдзинæдтæ интенсификации кæнынмæ æмæ Хуссар Ирыстон æмæ Венесуэлæйы ‘хсæн ахастытæ æппæт хуызты фæарфдæр кæныны æнæмæнгхъæуæгдзинад.
Нысан æрцыдысты, 2010 азы къухтæ фыст кæуыл æрцыдысты, Республикæ Хуссар Ирыстон æмæ Боливараг Республикæ Венесуэлæйы ‘хсæн, уыцы Генералон Фидыды Уагæвæрд æххæст кæнынæн практикон къахдзæфтæ. Дзырдтой ма, цæмæй æввахсдæр перспективæйы баконд æрцæуа Республикæ Хуссар Ирыстоны минæварад Боливараг Республикæ Венесуэлæйы cæйраг сахар Каракасы.
Визиты рæстæджы авдыст æрцыдис Венесуэлæйаг кинематографийы центр кæй сарæзта, уыцы фильм «Хъазт æмæ тох кæнын».
Цхинвал, 2012 азы 17 август