Женевæйы кæфты мæйы 7-æм бон Адæймаджы барты фæдыл ИНО-йы Совет райста афтæ хуыйнæг Гуырдзыстоны оккупацигонд территоритыл радон резолюци – «Гуырдзыстонимæ Æмгуыстад», æмæ радон хатт равдыста йæ «политикон цухдзинад». 2017 азæй фæстæмæ Тбилис æмæ йæ ныгуылæйнаг æмцæдисонтæ размæ кæнынц ахæм документты проекттæ, кæцыты ис хуымæтæг тезистæ: гуырдзиаг арæнты формалон æгъдауæй сфидаркæнынадæй оккупацигонд территоритыл этникон гуырдзиæгты бартыл «тыхстдзинады» онг. Æппæт уыдæттæ æвдисынц, Советы кæй нал ис объективондзинады принциптæ æмæ профессионализм, кæцытæ хъуамæ уой йæ архайды бындуры.
Ацы резолюцийы фарсхæцджытæ сæ цæстытæ ‘хгæнынц ирон адæмы историйы трагикон цаутыл, Хуссар Ирыстоны ныхмæ Гуырдзыстоны бирæазон агрессийыл æмæ цас адæм фæхъуыд, ууыл. Нациты Галуаны ферох кодтой, агрессор кæй у Гуырдзыстон æмæ йæ агрессорыл кæй банымадта швейцариаг дипломат Х.Тальявинийы сæргълæудæй ЕЦ-йы æхсæнадæмон къамис.
Радон хатт зæрдыл лæууын кæнæм, фæстаг дыууын азмæ Фæскавказы геополитикон уавæр кæй фæивд ис, æмæ Ныгуылæн кæй нæу разы уыцы ивындзинæдтыл, уый æрмæстдæр дарддæр кæны æрбæстон кæныны процесс.
Хуссар Ирыстон дарддæр кæны йæ равзаргæ фæндагыл цыд. Сæйрагдæр ын у Уæрæсеимæ стратегион партнерад фидар кæнын, кæцы у стабилондзинады гарант. Уыимæ иумæ республикæ цæттæ у дунеон æмæхсæнады æппæт хайадисджытимæ æмбар диалогмæ.
2026 азы кæфты мæйы 8-æм бон