Рухæны мæйы 29-æм бон ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Уæрæсейы Федерацийы Хесус Рафаэль Саласар Веласкесимæ, кæцы æрцыд Цхинвалмæ, цæмæй хайад райса Хъамболты Мараты Республикæ Хуссар Ирыстоны ног Президент суæвыны официалон церемонийы.
Фембæлды ма хайад райстой Республикæ Хуссар Ирыстоны Фæсарæйнаг хъуыддæгты министры Фыццаг хæдивæг Цхуырбаты А.В. æмæ РХИ-йы ФХъМ-йы Фæсарæйнаг уагдæттимæ куысты фæдыл хайады сæрдар Санахъоты А.Г.
Министр бузныджы ныхæстæ загъта Минæварæн йæ балцы фæдыл æмæ банысан кодта цытджын мадзæлтты венесуэлаг минæвæртты хайадисты ахсджиагдзинад.
Фембæлды рæстæджы æрдзырдæуыд дывæрсон ахастытыл, нысангонд æрцыд Хуссар Ирыстон æмæ Венесуэлæйы ‘хсæн хæларадон бастдзинæдты дарддæры размæдзыды ахсджиагдзинад.
2026 азы рухæны мæйы 29-æм бон