Рухæны мæйы 23-æм бон Мæскуыйы ацыд Республикæ Хуссар Ирыстоны Президенты Паддзахадон уынаффæгæнæг Коцты Константины фембæлд, кæцы лæууы Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы сæргъ, Уæрæсейы Федерацийы Фæсарæйнаг хъуыддæгты министры хæдивæг Михаил Галузин æмæ Республикæ Абхазы Фæсарæйнаг хъуыддæгты министр Олег Барцицимæ.
Фембæлд ацыд джеоргуыбайы мæймæ снысангонд Дискусситы радон раундмæ бацæттæ кæныны фæлгæтты. Хайадисджытæ равдыстой сæ цæттæдзинад Дискусситы ахсджиаг фарстаты фæдыл æнгом æмархайдмæ æмæ банысан кодтой форматы ахсджиагдзинад æдасдзинад æмæ стабилондзинады фарстаты. Хъуыдытæ загъдæуыд сæйраг фарстатыл, кæцытæ рæгъмæ æрцæудзысты хаст Дискусситы радон раунды.
Фембæлды хайадисджытæ æрдзырдтой регионы бæстæты уавæры размæдзыд æмæ регионалон æдасдзинадыл. Сæйраг хъусдард здæхт цæуы Республикæ Хуссар Ирыстон æмæ Республикæ Абхазы æдасдзинад бахъахъхъæныны фарстатæм, се 'хсæн тыхæй ма спайда кæныны фæдыл юридикон æгъдауæй хæсджынгæнæг документ.
Ацæугæ консультациты хайад райстой делегациты уæнгтæ.
2026 азы рухæны мæйы 23-æм бон