Уæрæсейы 'рдыгæй Республикæ Абхазы хæдбардзинады банымадæй 18 азы рацыды цытæн майрæмты мæйы 27-æм бон Республикæ Хуссар Ирыстоны делегацийы Сухуммæ балцы фæлгæтты ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Абхазы Фæсарæйнаг хъуыддæгты министры х.æ. Одиссей Бигвавайы фембæлд.
Ныхасы рæстæджы дыууæ фарс дæр æрдзырдтой дывæрсон æмгуыстады актуалон фарстатыл æмæ бахахх кодтой Республикæты 'хсæн хæларадон ахастытæ сфидар кæныны ахсджиагдзинад. Джиоты Æхсар æмæ Одиссей Бигвава банысан кодтой, хæдбардзинады банымад кæй ссис Хуссар Ирыстон æмæ Абхазы паддзахаддзинад сæндидзын кæныны ахсджиаг рæстæг, кæцыйы фæрцы суверенон республикæтæн фæзынд размæдзыды ног уавæртæ.
Фембæлды хайадисджытæ равдыстой сæ цæттæдзинад æхсæнадæмон фæзуаттыл дарддæры æнгом куыстмæ æмæ конструктивон диалогмæ.
2026 азы майрæмты мæйы 27-æм бон